Śmē (urnamèint)

Da Wikipedia.
C'l artìcul chè 'l è scrit in Carpśàn Emiliàn
Un pèra 'd śmē atàc a 'n pulsèin ed camìśa

I Śmē egl' în dal sorti 'd ptòun mìa cuśî atàc al vistî, mo invéci per só còunt, furmê despès da dū plachèti 'd metâl tgnùdi strìchi da na cadnèina u anca 'n quèl 'd un póc flesìbil da mèś. Al só còumpit 'l è quèl 'd tgnìr sulê i pulsèin 'd soquànti camìśi elegànti, sovertùt ed chi òm. Chi pulsèin chè i gh' àn in dal só dū bandi pròpia dū àśoli d' in dû i dū śmē i gh' àn da pasèr e tgnìr-i sòdi.

I śmē i àn tachê a vgnìr druê in dl Otsèint, quand i pulsèin na quèlch vòlta tròp inamidê 'd soquànti camìśi i psìven èser sulê méj acsè piotòst che dala deblèsa 'd un ptòun nurmêl.

El dū plachèti estèrni 'di śmē i vìnen tgnùdi in cunsiderasiòun per mèt'r-egh un pòc 'd elegànsa e soquànti vòlti egl' în presióśi e anca 'd òr, u diferèint, a s pól catèr-gh incîś in sìma dagli inisièli 'd nòm u dal sìghli 'd un cleb 'd apartenèinsa.

Vóś lighèdi

Culegamèint estèren