Àcid sulfànic

Da Wikipedia.
C'l artìcul chè 'l è scrit in Miranduléś Emiliàn
Stylised Lithium Atom.png Àcid sulfànic
H2SO4 • SO2(OH)2
Sulfuric-acid-Givan-et-al-1999-3D-balls.png
Masa muleculàra: 98,09
Indicasiòṅ ad sicurésa:
GHS-pictogram-acid.svg PERÌCUL!
Fraś H: 314 - 290
Cunsìli P: 280 • 301+330+331
305+351+338 • 309 • 310


'L àcid sulfànic 'l è 'n àcid mineràl fòrt ch'a s cata in dal stat lìquid a temperadùra d'l ambiènt. 'L è cgnusû anc cun al nóm ad Vedriōl.

Descrisiòṅ

'L àcid sulfànic al n gh'à minga culōr e gnanc udōr. In na sèrta manéra 'l è dèns cuma 'l òli.

La sò fórmula chìmica l'è H2SO4. A s dróa dimóndi in dl'agricultùra parchè al fà còmad par far di cuncìm. Inóltar 'l al s cata in dal baterìi dal màchini.

Al tōś vita a partìr da 'l sólfan faghénd i pasàǵ spiegâ chè 'd sóta:

  1. Al sólfan al vèṅ bruśâ faghénd dl'anidrìda sulfànica.
    S + O2 → SO2
  2. A l'anidrìda sulfànica a gh vèṅ śuntâ d'l usìgen druànd un cataliśadōr adàt, faghénd vgnir fóra l'anidrìda sulfòrica.
    2SO2 + O2 → 2SO3
  3. A l'anidrìda sulfòrica a gh vèṅ śuntàda dl'àqua e 'l śōg 'l è fat.
    SO3 + H2O → H2SO4

I sò sâi i vènan ciamâ sulfâ, òṅ di più cumùn 'l è al śés ch'al sarés pò al sulfâ ad cals diidradâ.

A gh'è da star dimóndi aténti parchè 'l è curuśìṿ.

Culegamènt estéran