XX/XY

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg XX/XY
XX-XY.png
Ruffalo e la Wright in na figùra dal film
id.
2002
Regìa: Austin Chick
Scritōr: Austin Chick
Atōr: Mark RuffaloMaya StangeKel O'Neill
Kathleen RobertsonBen TolpinJoey Kern
Petra WrightDavid ThorntonZach Shaffer
Müsica: The Insects
Léngua: Ingléś
Dürä dal film: 91 minüt
Nasiōṅ: Stat Unî


«
A n gh'è mia pòst par l'unestà in na relasiòṅ sana.»
(Tagline dal film)


XX/XY (id.) 'l è 'n drama rumàntic americàṅ dal 2002 scrit e dirèt p'r Austin Chick. Al tìtul al fà riferimènt a la còpia 'd crumuśòma 23 ch'i èṅ difarènt fra fémni e masć.

La pelìcula, ch'l'è stada preśentàda a 'l Sundance Film Festival, l'à muciâ sù sènt-quatarmìla dòlar 'd incàs.

In dla culòna sunóra dal film i s càtan di pès di Sonic Youth (Kool Thing), di The Insects cun l’Alison Moyet (Le Soleil Est Revenu), di Pixies (Something Against You), di Arrested Development (Mama's Always Onstage) e àt'r incóra.

Sunt

La Sam (Maya Stange) e la Thea (Kathleen Robertson) i èṅ dū amìghi ch'i stùd'n insém a 'l Sarah Lawrence College ad New York. Na sira a na fèsta i cgnós'n un ragàs ch'al fà di diśégn animâ, Coles Burroughs (Mark Ruffalo), e i decìd'n ad purtàr-'s-'l a lèt p'r un śuglèṅ a tri. Cla purcàda lè la i fà divertìr dabòṅ ma la i mét anc dimóndi in imbaràs, in tut al manéri i tri śōv'n i decìd'n ad cuntinuàr a védar-'s incóra.

P'r al fèsti 'd Nadâł la Thea la ciàma 'l sò amìg Sid (Kel O'Neill) p'r un quèl a quàtar ma purtròp la fèsta l'è ruinàda p'r al fat che a lē a gh vîṅ al gòmit. Chi àtar dū a gusàr però i gh vànan listés ma pò in primavéra l'è 'l tùr'n anc dla Thea ch'la s fà dar da Sid. La Sam la gh in diś quàtar parchè i èṅ dal ròbi che cun di amìg i n s fànan minga ma pò, pinsànd a la sò cundisiòṅ, a gh vîṅ al magòṅ parchè l'à savû da Coles che chi lò, prima 'd cgnósar-la, 'l iva bèla fat sès cun una méntar lē gnint. Anc Sid 'l è śò e 'l piànś parchè al vliva èsar sōl 'n amìg par la Thea e minga 'l sò amànt.

Durànt n'atra fèsta la Sam la và a lèt c'n un śuvnòt parchè l'éra arliàda ma pò la s pintìs e la dmanda scuśa par telèfun a Coles ch'al la pardòna dgénd-ag che cla situasiòṅ lè la farà dvintàr al rapòrt più stric. In séguit però chi lò al gh la fà pagàr gusànd la Thea davànti a i sò òć. Dòp la ciulàda la ragàsa la taca a sigàr dand-ag dal stròns méntar Sid al spud' in fàcia a la Thea. L'è ciàra a cal punt lè ch'l è méj dar-'g un taj.

Déś an dòp la Sam l'incróśa par caś Coles davànti a na palèstra e la 'l invìda a bévar quèl. Chi lò adès al stà cun la Claire (Petra Wright) méntar lē l'è incóra puta e la Thea l'à tòlt marè, Miles (David Thornton). Fra la Sam e Coles a s déśda incóra la vója 'd far dal purcàdi insém e in un dòpmèśdè 'd Istâ, dòp avēr-la jutàda a sarnìr na màchina da cumpràr, a sucéd dabòṅ. La Claire la tórna a cà prima e, vdénd-la in salòt, la sènt ch'a gh'è quèl ch'a traśa.

Culegamènt estéran