Wrong Turn - Il bosco ha fame
|
C'l artìcul chè 'l è scrit in
Miranduléś |
 Wrong Turn
| ||
| Wrong Turn - Il bosco ha fame | ||
 Harrington e la Dushku in na figùra dal film | ||
| Śvultàda śbaliàda - Al bòsc al gh'à fam 2003 | ||
|---|---|---|
| Regìa: Rob Schmidt | ||
| Scritōr: Alan B. McElroy | ||
| Atōr: Desmond Harrington • Emmanuelle Chriqui Eliza Dushku • Lindy Booth • Jeremy Sisto Kevin Zegers • Julian Richings • Wayne Robson | ||
| Müsica: Elia Cmiral | ||
| Léngua: Ingléś | ||
| Dürä dal film: 84 minüt | ||
| Nasiōṅ: Stat Unî • Germàgna | ||
Wrong Turn - Il bosco ha fame (Śvultàda śbaliàda - Al bòsc al gh'à fam) 'l è 'n film ad scarésa dal 2003 ad Rob Schmidt.
Al gh'à abû sinc séguit: Wrong Turn 2 - Senza via di uscita dal 2007, Wrong Turn 3 - Svolta mortale dal 2009, Wrong Turn 4 - La montagna dei folli dal 2011, Wrong Turn 5 - Bagno di sangue dal 2012 e Wrong Turn 6 - Last Resort dal 2014.
'L à muciâ sù da piò ad vint-i-òt migliòṅ dòlar esénd-an custâ dód'ś e siē.
Sunt
In un bòsc spardû dla Virgìgna Ucidentàla, in dua soquànt tèmp prima i éran sparî dū ragàs, l’Halley Smith (Yvonne Gaudry) e Rich Stoker (Joel Harris), al studènt ad madśìna Chris Flynn (Desmond Harrington) al próa a tajàr śò cun la sò màchina p'r un sintēr parchè la strada ch'al gh'à da far p'r andàr a dascórar p'r un pòst ad lavōr l'è blucàda p'r un càmion ch'al s è arbaltâ.
Durànt al viàś al fà na buciàda c'n un furgunsèṅ c'n insìma la Jessie Burlingame (Eliza Dushku), la Carly (Emmanuelle Chriqui) e 'l sò muróś Scott (Jeremy Sisto), e na còpia, Evan (Kevin Zegers) e la Francine (Lindy Booth). I armàgnan tut a pē e mént'r i ùltim dū i stànan lè a dar 'n òć, ma anc a fumàr di spinèi e a gusàr, gl'àtar i vaṅ a pascàr ajùt. Ma in dal bòsc a gh'è anc un grup ad tri canìbai dasfurmâ e sasèṅ patintâ: Tri-dida (Julian Richings), Dint ad Sghét (Gary Robbins) e ’N Òć Sōl (Tyler Garling). La nòt l'è lunga.