Wikipedia:File mia lìber
(Reindirizzamento da Wikipedia:File mìa léber)
| Cl' artécol ché l' è scrét in Arzân | 
|
La Wikimedia Foundation, int la só Licensing policy (còsta la tradusiòun in italiân), l'à publichê al spiegasiòun 'd Ôvra Culturêla lébra
(IT). La règola però la prevèd di chêş ed libertê ed publicasiòun. Tra i file multimediêl ciamê "mìa léber", soquânt a pōlen èser publichê in sém a la wiki emiliâna, chi critèri 'd libertê 'd publicasiòun in inglèiş a ciâpen al nòm ed Exemption Doctrine Policy (EDP ). Còsta la versiòun inglèişa.
Ché sòta gh'é l'elèinch dal règoli da rispetêr:
Règoli 'd libertê 'd publicasiòun
I file multimediêl (figûri (IT), sòun (IT), filmê) mìa léber a pōlen èser druvê in sém a la wiki emiliâna a cundisiòun che vègnen rispetê tóti 'l règoli ché sòta:
- Ch' an sìa mia pusébil, in môd ragiunèvel, untgnîr un file cumpâgn dal pûnt ed vésta dal spiegasiòun e ch'al gâbia 'na licèinsa ch'es cunfà a la spiegasiòun 'd Ôvra Culturêla Lèbra.
- Al file al gh'âbia 'na licèinsa mìa lèbra (IT) permésa in sém al wiki italiâni e dòunca dèinter in cl'elèin ché
- Al file al sìa druvê sōl int al spâsi dal nòm principêl (IT), in particulêr int al vōş in dó, còl che gh'é dèinter, al 's arfâga diretamèint (eşèimpi al fērom ed la figûra 'd un videozōgh sōl int la vōş dal videozōgh 'stès e mìa int al j êtri; la copertèina ed 'na colesiòun int la vōş in sém a la colesiòun e mìa, per eşèimpi dal cantânt; la registrasiòun 'd un discōrs sōl int la vōş ed chi à pronuncê al discōrs e mìa in êtri). Al nómer dal figûri 'l dēv èser limitê (an pōlen mìa èser dèinter a galeréi ed fotograféi)
- La pàgina de spiegasiòun (IT) dal file la gh'âbia dèinter:
- ch' a 's pôsa savèir, in môd precîş, da dóv' è stê tôt al file;
- ch' a's pôsa savèir chi l'é 'l padròun dal dirét 'd avtōr (se mìa bèle spieghê dal tag ed licèinsa) (IT);
- al mudèl {{EDP}}, ch' al déga in môd cêr che 'l file al vîn druvê secònd l' EDP per la wiki emiliâna;
- 'na cêra spiegasiòun dal mutîv perché 'l file an 's pōl mìa cambiêr in môd ragiunèvel (per eşèimpi: "Cla persòuna ché l'é môrta per...")