Wake (film 2010)
|
C'l artìcul chè 'l è scrit in
Miranduléś |
 Beneath the Dark
| ||
| Wake | ||
.png) L'Angela Featherstone in na figùra dal film | ||
| Végia p'r i mòrt 2010 | ||
|---|---|---|
| Regìa: Chad Feehan | ||
| Scritōr: Chad Feehan | ||
| Atōr: Josh Stewart • Jamie-Lynn Sigler • Chris Hayes Chris Browning • Afemo Omilami • Trevor Morgan Angela Featherstone • Lynne Lerner • Sandy Martin Robert Maxhimer • Grainger Hines • Carlease Burke | ||
| Müsica: Daniel Licht | ||
| Léngua: Ingléś | ||
| Dürä dal film: 102 minüt | ||
| Nasiōṅ: Stat Unî | ||
Wake (Végia p'r i mòrt) 'l è 'n film dramàtic americàṅ dal 2010 scrit e dirèt par Chad Feehan.
Sunt
In viàś vèrs Los Angeles lung al deśèrt dal Mojave, in du i gh'aṅ 'd andàr a 'n matrimòni, Paul O'Kelly (Josh Stewart) e la sò muróśa infarméra Adrianne (Jamie-Lynn Sigler) i gh'aṅ prima 'n incidènt in màchina, pò i decìd'n ad farmàr-'s in un mutèl par la nòt parchè a 'l impruvìś la dóna la s sènt malnéta cun na vója 'd gusàr ad c'l àtar mónd. La còpia la tōś na cambra a 'l Roy's Motel and Café ad Frank (Chris Browning), ch'al gh śibìs na suite par ssanta dòlar, ma purtròp par l’Adrianne al sò ragàs al patìs al mâł dla lumàga e dònca lì lē l'armàgn a bèc sut.
Paul al và a far un gir e in dal bar dla strutùra 'l incróśa 'n négar (Afemo Omilami) ch'al vōl far dū ciàcri sèg par pò dir-ag ch'l è 'n pcadōr. Turnâ in mutèl, 'l óm al s còlga par durmìr ch'la matìna dòp al gh'à da daśdàr-as prèst. Durànt la nòt na biónda la pasa par la sò cambra p'r andàr fóra, lasànd anc al sò giachét in d'l armàri: a s trata dla Sandy (Angela Featherstone), la mujēr rója 'd Frank che quànd lò 'l è via la s pòrta a lèt di àt'r óm, cuma Billy (Robert Maxhimer).
In séguit al négar al fà métar sù na caséta vìddeo in dla cambra 'd Paul in du a s véd na filmìna ad soquànt an prima quànd incóra 'l éra 'n śuvnòt e 'l andàva a scōla. In dal filmâ a s véd lò che, par cuntintàr i sò amìg dla cunfratèrnita Max (Christopher Gessner) e Jason (Trevor Morgan), 'l iva viulentâ na putàna ch'la n vliva briśa.