Vite nascoste (film 1998)
|
C'l artìcul chè 'l è scrit in
Miranduléś |
 Get Real
| ||
| Vite nascoste | ||
.png) Silverstone e la Brittain in na figùra dal film | ||
| Viti lugàdi 1998 | ||
|---|---|---|
| Regìa: Simon Shore | ||
| Scritōr: Patrick Wilde | ||
| Atōr: Ben Silverstone • Charlotte Brittain Brad Gorton • Stacy Hart • Kate McEnery Patrick Nielsen • Tim Harris • James D. White | ||
| Müsica: John Lunn | ||
| Léngua: Ingléś | ||
| Dürä dal film: 108 minüt | ||
| Nasiōṅ: Régn Unî | ||
Vite nascoste (Viti lugàdi) 'l è 'n film dramàtic britànic dal 1998 ad Simon Shore trat da 'n lavōr teatràł ad Patrick Wilde da 'l tìtul What's Wrong With Angry?.
Girâ c'n un budget 'd un migliòṅ e dū ad dòlar, al film al 'n à pò fat sù praticamènt àtar tant.
Sunt
Steven Carter (Ben Silverstone) 'l è 'n studènt ingléś ad séd'ś an ad Basingstoke. Fiōl 'd un futógrafar burghéś, Graham (David Lumsden), e dna raśdóra (Jacquetta May), al ragàs 'l è gay e sōl la sò amìga cicióna Linda (Charlotte Brittain) la cgnós al sò segrét.
Un dòpmèśdè Steven, méntar 'l è in un cèso pùblic, al ricév un bijét da 'n buś in dal mur dal lìcit darènt in du a gh'è 'n furastēr ch'al gh śibìs ad far sès. Andâ fóra par cgnós'r-al, fra la surpréśa 'd tut dū, al śōvan al véd ch'a s trata 'd John Dixon (Brad Gorton), un studènt più grand dla sò scōla, as dla cursa, ch'l è 'l muróś dla mudèla più bèla d'l istitùt, la Christina (Louise J. Taylor). Dòp un mumènt 'd imbaràs, i dū i finìs'n a lèt ma, in séguit, John al n vōl minga far-as védar sèg in pùblic parchè al n vōl briśa dar fiâ a 'l ciàcri.
Steven al decìd ad scrìvar 'n artìcul p'r al giurnàł dla scóla da 'l tìtul „Get Real“ (A gh'è da èsar qvél ch'a s è dabòṅ).