Vite dannate

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Too Young to Die?
Vite dannate
Vite dannate.png
L'Yvette Heyden e Brad Pitt in na figùra dal film
Viti danàdi
1990
Regia: Robert Markowitz
Scritùr: David Hill • George Rubino
Atùr: Brad PittJuliette LewisMichael Tucker
Alan FudgeLaurie O'BrienMichael O'Keefe
Müsica: Charles Bernstein
Lengua: Ingléś
Dürä dal film: 92 minüt
Nasiòṅ: Stat Unî


«
Lì lōr i éran śōvan, inamurâ e risercâ p'r umisìdi.»
(Tagline dal film)


Vite dannate (Viti danàdi), cgnusû anc cuma Sentenza finale o Troppo giovani per morire, 'l è 'n film dramàtic dal 1990 ad Robert Markowitz girâ par la televiśiòṅ.

Anc se la pelìcula l'è ambintàda in Oklahoma, al film al tōś spunt in na quàlc manéra da la vita dl’Attina Marie Cannaday che, insém a David Gray, al 3 ad Śugn dal 1982 l'à masâ a scurtlàdi Ronald Wojcik a Harrison County in dal Missisìpi.

Sunt

La vita l'è sèmpar stada dimóndi dura par na ragasōla 'd quìnd'ś an, l’Amanda Sue Bradley (Juliette Lewis). Al dè ad Nadâl la vîṅ viulentàda p'r al sò padrìgn e acsè l'è custréta a scapàr via 'd cà cun sò màdar ch'la gh dà dla rója nimàla. Un dè la cgnós na canàja ad nóm Billy Canton (Brad Pitt), un ragàs drugâ pódag, ch'al la custrìnś a cavàr-as śò in un lucàl p'r i óm e al gh ślunga dal pastìji p'r èsar più purcùsa durànt i sò spetàcui.

La ragàsa la próa a scapàr via da cla vita lè butànd-as fra i bras 'd un sergìnt divursiâ ch'al lavóra in na baś militàr lè darènt, Mike Medwicki (Michael O'Keefe). A 'l inìsi lò al gh fà da pàdar ma pò i finìs'n a lèt e 'l óm 'l è custrét a dar-ag dl'ària par paràr via 'l scàndal 'd un militàr ch'al s gusa na ragàsa ad gnanc daśdòt an. L’Amanda la tórna dal sò Billy e insém a lò la decìd ad vindicàr-'s ad Mike tirànd-ag quàtar scurtlàdi e cupànd-al.

Quànd un sò vśèṅ ad cà e amìg da quànd i éran pìcui al la denùnsia, l’Amanda la finìs in dal bras dla mòrt, la sò vita adès la dipénd da qvél ch'i decidràṅ i giùdas.

Culegamènt estéran