Virtuality
|
C'l artìcul chè 'l è scrit in
Miranduléś |
 Virtuosity
| ||
| Virtuality | ||
 Russell Crowe in na figùra dal film | ||
| Rialtà virtuàla 1995 | ||
|---|---|---|
| Regìa: Brett Leonard | ||
| Scritōr: Eric Bernt | ||
| Atōr: Denzel Washington • Russell Crowe Kelly Lynch • Louise Fletcher • Stephen Spinella William Forsythe • William Fichtner • Traci Lords | ||
| Müsica: Peter Gabriel • Christopher Young | ||
| Léngua: Ingléś | ||
| Dürä dal film: 106 minüt | ||
| Nasiōṅ: Stat Unî | ||
Virtuality (Rialtà virtuàla) 'l è 'n film fantàstic dal 1995 ad Brett Leonard ch'l à muciâ sù a i butghèṅ vint-quàtar migliòṅ ad dòlar ma al 'n è custâ trénta.
'L è stâ preśentâ a 'l Fèstival ad Sitges.
Sunt
Parker Barnes (Denzel Washington) al fava 'l pulisiòt a Los Angeles ma pò 'l è finî in parśòṅ parchè al s éra fat giustìsia da par lò masànd un criminàl ch'l iva fat fóra sò mujér e sò fiōla. Adès insém a 'n sò culéga, John Donovan (Costas Mandylor), al gh'à da pruàr un prugràma ad rialtà virtuàla ch'al sarvìs a far far alenamènt a 'l còrp ad pulisìa. I dū i gh'aṅ da catàr in un risturànt un masadōr seriàł ciamâ Sid 6.7 (Russell Crowe) ch'l è stâ creâ da 'l dutōr Darrel Lindenmeyer (Stephen Spinella) misćiànd insém al mènt di duśènt criminài più periculóś dla stòria. Durànt al prugràma però Donovan al patìs un shock e al mōr. Al prugèt al vèṅ acsè sarâ tgnénd a drē a 'l vulēr dla diretōra, la cumusària Elizabeth Deane (Louise Fletcher), e da 'l sò jutànt William Wallace (William Fichtner).
Sid 6.7 'l è catìṿ, viulènt e sàdig ma anc dimóndi inteligènt. Al s è stufâ 'd armàgnar sèmp'r in dal cyberspasi e acsè al persuàd al sò padròṅ a pasàr la sò mènt in dal còrp 'd 'n andròid. Na vòlta finî in dal nòstar mónd, in un còrp ch'l è bòṅ ad giustàr-as da par lò, al taca a far-'n ad tut i culōr. A cumbàt'r-al a gh'è sōl Parker insém a la dutōra Madison Carter (Kelly Lynch).