Venerdì 13 parte III - Weekend di terrore

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Friday the 13th Part III
Venerdì 13 parte III - Weekend di terrore
Venerdì 13 3.png
Jeffrey Rogers tajâ a mèś in na figùra dal film
Vernardè 13 part III - Fiṅ 'd stmana ad terōr
1982
Regia: Steve Miner
Scritùr: Victor Miller • Martin Kitrosser • Carol Watson
Atùr: Dana KimmellPaul KratkaRichard Brooker
Jeffrey RogersAnne GaybisNick Savage
Müsica: Harry Manfredini • Michael Zager
Lengua: Ingléś
Dürä dal film: 95 minüt
Nasiòṅ: Stat Unî


«
Na dimensiòṅ nóva dal terōr, a n gh'è gnanc un pòst in dua lugàr-as, catâ'l s'a sî bòṅ.»
(Tagline dal film)


Venerdì 13 parte III - Weekend di terrore (Vernardè 13 part III - Fiṅ 'd stmana ad terōr) 'l è 'n film ad scarésa americàṅ dal 1982 ad Steve Miner séguit dal film d'l an prima Venerdì 13 parte II - L'assassino ti siede accanto. Par la prima vòlta Jason Voorhees, mai numinâ in dla pelìcula, al gh'à adòs na mascra 'd Hockey in sal giàs.

'L è stâ bòṅ ad far sù da piò ad trénta-siē migliòṅ ad dòlar, esénd-an custâ sōl dū e mèś, e 'l è stâ girâ in 3D anc se cla versiòṅ chè l'è a dispuśisiòṅ sōl in Giapòṅ.

Sunt

Cuntrariamènt a quànt a s cardìva, Jason Voorhees (Richard Brooker) a n è mia mòrt ma 'l è in gir lìb'r ad cupàr. Dòp avér masâ l’Edna (Cheri Maugans) e Harold (Steve Susskind), na còpia ch'la gh'à 'n negòsi, druànd un fèr par la maja e na manàra, al gh pòrta via di vistî prima ad lugàr-as in un fnil 'd Higgins Haven. In cal méntar la Chris Higgins (Dana Kimmell), al sò muróś Rick (Paul Kratka) e soquànt sò amìg i rìvan da cal bandi là par pasàr un fiṅ 'd stmana in paś. Dal grup i fànan part Shelly (Larry Zerner), òṅ ch'al s diverìs a far di schèrs, la Vera (Catherine Parks), la Debbie (Tracie Savage), ch'la gh'à 'd avér fiōl da Andy (Jeffrey Rogers), e i drugâ pódag Chuck (David Katims) e la Chili (Rachel Howard).

Durànt al viàś la Vera e Shelly i 'ncróśan di tepìsta in mòta, Ali (Nick Savage), la Fox (Gloria Charles) e Loco (Kevin O'Brien) e i lìtgan sèg. Quànd la Fox e Loco i próan a bruśàr al fnil par vindicàr-as, Jason 'l i fà fóra c'n un furcàr. Durànt la nòt al masa pò anc Shelly, tajànd-ag la góla e purtànd-ag via la mascra 'd Hockey in sal giàs ch'al gh'iva par métar-'s-la lò par quaciàr la sò ghigna dal tut dasfurmàda. Anc chi àtar ragàs adès i gh'aṅ da patìr l'arlìa ad Jason.

Culegamènt estéran