Urechis unicinctus

C'l artìcul chè 'l è scrit in Miranduléś

Pés Cas
di pés cas muciâ sù in Cina
Dominì: Eukaryota
Rèign: Animalia
Sòtrèign: Eumetazoa
Superphylum: Lophotrochozoa
Phylum: Annelida
Clâsa: Echiura
Órdin: Xenopneusta
Famija: Urechidae
Gènàr: Urechis
Sòrta: Urechis unicinctus, von Drasche (1881)

'L Urechis unicinctus, cgnusû anc cuma „Budèla 'd mâr“ o anc cuma „Pés Cas“, 'l è 'n pés invertebrâ e mulsèṅ a tucàr-al dla clas di Echiùra.

Di pés cas in un marcâ ad *Busan* (Curèa dal Sud)

P'r èsar più preciś a sarév méj batśàr-al cuma 'n vérum marèṅ.

Descrisioṅ

Ad culōr ròśa, al gh'a la fórma dna budèla o dna salsìsa bèla pîna. Cla bèstia chè la viṿ in di mâr dal sud-èst aśiàtic minga tant fónd in du la fà la sò tana in mèś a la sàbia o in dla śmalta.

P'r al fat ch'l è pîṅ 'd aminuàcid cuma la glicìna e l'alanìna, al gh'à 'n gust dōls e 'n savōr ch'l arcòrda la vóngula.

In Giapòṅ (螠虫, ユムシ) i al màgnan crûd, in Curèa dal Sud (개불) i gh śòntan sōl dal sâł e d'l òli mént'r in Cina (海肠) i al màndan śò frit cun dal vardùri e i al dróv'n anc in madśìna par curàr al mâł ad schina parchè al fà bòṅ a la culòna vertebràla.

Quànd a s và a pés a 'l s pōl druàr anc cuma lésca, specialmènt par ciapàr di uràti.

Culegamènt estéran

(IT) La sò paśna su 'l sit Green Me

Àtar prugèt

Wikiquote contiene citazioni di o su Urechis unicinctus
Wikimedia Commons contiene file multimediali su Urechis unicinctus