Una voce nella notte

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg The Night Listener
Una voce nella notte
Voce nella notte.png
La Collette e Robin Williams in na figùra dal film
Na vóś in dla nòt
2006
Regia: Patrick Stettner
Scritùr: Armistead Maupin
Terry Anderson • Patrick Stettner
Atùr: Robin WilliamsToni ColletteJoe Morton
Bobby CannavaleRory CulkinSandra Oh
John CullumRodrigo LoprestiNick Gregory
Müsica: Peter Nashel
Lengua: Ingléś
Dürä dal film: 91 minüt
Nasiòṅ: Stat Unî


«
Scólta la véra.»
(Tagline dal film)


Una voce nella notte (Na vóś in dla nòt) 'l è 'n film dramàtic dal 2006 ad Patrick Stettner trat da 'l rumànś umònim 'd Armistead Maupin.

La pelìcula, ch'la cònta 'n fat sucès dabòṅ, l'à purtâ a cà da piò ad déś migliòṅ ad dòlar dòp ès'r-an custàda tri.

Sunt

Gabriel Noone (Robin Williams) 'l è 'n scritōr ad rumànś ad sucès e ad nòt al tîṅ na traśmisiòṅ in na ràddio ad New York. La sò vita la và in criśi quànd al n è più bòṅ ad catàr l'ispirasiòṅ par scrìvar di lìbar nóṿ e quànd al sò muróś Jess (Bobby Cannavale) al s in và da cà sua. Un dè un sò amìg, Ashe (Joe Morton), al gh fà lèśar un manuscrìt 'd un ragasōl ad quatòrd'ś an, Pete Logand (Rory Culkin), ch'al cònta la sò vita. Chi lò 'l à pasâ na vita dasgrasiàda parchè fiṅ da pìcul 'l è stâ viulentâ par soquànt an da i sò genitōr e da di sò amìg, bcand-as anc al mâl ad la lua. Adès 'l è mis dimóndi mâl ma al cata cunfòrt scultànd al prugràma nuturàn ad Noone e telefunànd-ag par dascórar sèg. Adès al ragàs al viṿ insém a n'asistènta suciàla, la Donna (Toni Collette), na dóna òrba ch'la stà in dal Wiscònsin.

Vlénd-an savér da piò e par védar se la stòria l'è véra dabòṅ, al scritōr al partìs p'r andàr a cgnósar Pete ma quànd l'è là la Donna la gh diś ch'l è in fiṅ 'd vita a 'l uśdàl sénsa però dir-ag al pòst precìś. Gabriel al fà 'l gir di uśdài dal stat ma 'l ragàs al n s cata minga. Turnâ indrē la dóna la gh cònta che Pete 'l è mòrt parchè i sò palmòṅ i s ér'n impinî ad lìquid ma a gh'è quèl ch'a traśa.

Culegamènt estéran