Una storia americana (film 2003)

Da Wikipedia.

C'l artìcul chè 'l è scrit in Miranduléś Emiliàn

Capturing the Friedmans
Una storia americana

David Friedman in na figùra dal film
Na stòria americàna
2003
Regìa: Andrew Jarecki
Scritōr: Andrew Jarecki
Atōr: Elaine FriedmanAnthony Sgeugloi
Jack FallinDebbie NathanDavid Friedman
Frances GalassoJudd MaltinJoseph Onorato
Jesse FriedmanJohn McDermottScott Banks
Müsica: Bill Harrington • Andrea Morricone
Léngua: Ingléś
Dürä dal film: 107 minüt
Nasiōṅ: Stat Unî


«
A chi créd-at?»
(Tagline dal film)


Una storia americana (Na stòria americàna) 'l è 'n ducumentàri biugràfic americaṅ dal 2003 'd Andrew Jarecki candidâ a 'l Prèmi Òscar e vinsidōr ad dimóndi prèmi in gir p'r al mónd cuma 'l Sundance Film Festival.

Sunt

Arnold Friedman 'l è 'n èx mìst'r in pensiòṅ ch'al viṿ insém a sò mujér Elaine e a i sò tri fiōi masć David, ch'al fà 'l pajàs a 'l fèsti di putèṅ, Seth e Jesse in na vila a Great Neck in dal stat ad New York. Al giōran dal dè dal ringrasiamènt dal 1988, méntar l’Elaine l'è fóra par cumpràr al tòc, al vîṅ arestâ insém a sò fiōl più pìcul, Jesse, cun l'acùśa 'd ès'r un pedòfil parchè in cà la pulisìa la gh'à catâ dal rivìsti pòran ad cal gènar lè e parchè soquànt baghét, ch'i andàv'n a cà sua par di cōrs 'd infurmàtica, i aṅ dit sóta interugatòri che lò e Jesse i aṅ fat sès sèg. Ma a gh 'n è anc ad qvéi ch'i ìvan dit ch'a n è mai sucès gnint in cà sua e pò 'l è dimóndi strâṅ ch'a n s sia mai catâ sangṿ o śbòra in dal mudàndi, ch'i genitōr i n àppian mai fat a mènt a gnint par di méś, mai na pianśùda, mai di ségn ad vilulénsa, e che ninsòṅ 'l àppia mai dit gnint in fiṅ tant ch'la pulisìa l'à tacâ a far dal dmandi, miténd fra 'l àtar bèla in bóca 'l rispòsti.

Al fat ch'a Arnold i gh piaśìs'n i putèṅ 'l è 'n fat véra, a gh'è da véd'r a prucès se pò 'l è anc pasâ a i fat. L’Elaine la vrév che lò 'l cunfisìs, ch'al 'l is fat o manc, par prutèśar c'l àtar fiōl e Arnold al diś ch'l è culpévul finénd in parśòṅ. Par Jesse invéci a gh'è dū stradi: o 'l cunfèsa 'd èsar culpévul, ciapànd na péna più pìcula c'n al patéǵ, o sinò al và in a risć ad bcàr-as trént'an o anc da piò. Al ragàs, ch'al gh'iva sōl daśnóṿ an in alóra, al sarnìs la prima strada e 'l finìs dèntar par pò èsar mandâ lìbar tréd'ś an dòp méntar sò pàdar 'l éra invéci mòrt in parśòṅ.

Culegamènt estéran