Una farfalla con le ali insanguinate
|
C'l artìcul chè 'l è scrit in
Miranduléś |
 Una farfalla con le ali insanguinate
| ||
 Helmut Berger in na figùra dal film | ||
| Na parpàja cun gl'ali insangvinàdi 1971 | ||
|---|---|---|
| Regìa: Duccio Tessari | ||
| Scritōr: Gianfranco Clerici Duccio Tessari • Edgar Wallace | ||
| Atōr: Helmut Berger • Giancarlo Sbragia • Ida Galli Carole André • Lorella De Luca • Günther Stoll Evelyn Stewart • Dana Ghia • Silvano Tranquilli | ||
| Müsica: Gianni Ferrio | ||
| Léngua: Itagliàṅ | ||
| Dürä dal film: 95 minüt | ||
| Nasiōṅ: Itàglia | ||
Una farfalla con le ali insanguinate (Na parpàja cun gl'ali insangvinàdi) 'l è 'n film śal dal 1971 ad Duccio Tessari.
A 'l èstar 'l è cgnusû anc c'n i nóm ad The Bloodstained Butterfly in di marcâ ingléś, Un papillon aux ailes ensanglantées in Frància, Una mariposa con las alas ensangrentadas in Spaggna e Das Geheimnis der Schwarzen Rose, Blutspur im Park e Das Messer in Germâgna.
In un rōl pìcul a gh'è anc al śugadōr ad balòṅ Giorgio Chinaglia ch'al fà la part ad lì lò.
Sunt
Un giurnalìsta televiśìṿ, Alessandro Marchi (Giancarlo Sbragia), al và a prucès cun l'acùśa 'd avér masâ a scurtlàdi, in un parc ad Bèrgam, na śóvna ragasōla francéśa ad darsèt an, la Françoise Pigaut (Carole André). 'L al difénd 'l avucàt Giulio Cordaro (Günther Stoll) ch'l è 'n sò amìg ma anc ad sò mujér, la Maria (Evelyn Stewart), da 'l mumènt ch'l è 'l sò amànt. 'L è par cal mutìṿ lè che quànd a Marchi i gh dànan 'l èrgàstul, chi lò al s pōl minga dir tant daspiaśû.
Finî al prucès, la fiōla 'd Alessandro, la Sarah (Wendy D'Olive), la cgnós par caś Giorgio (Helmut Berger), un śóvan ch'l iva pruâ a dir in tribunàl che Marchi al n gh intràva gnint c'n al fat. I dū i tac'n anc na relasiòṅ.
In di giōran a vgnir però atri dū dóni i vènan masàdi cumpàgn a la Françoise e la Cōrt 'd Apèl la riva a pinsàr ch'a gh pōl èsar stâ 'n śbali giudisiàri. Dòp la testimuniànsa dla Marta Clerici (Lorella De Luca), amànta ad Marchi, rivàda apòsta da 'l èstar par dir ch'in dal dè dla mòrt dla francéśa lò al s catàva sèg, 'l óm al vèṅ mandâ lìbar. Na sirà però Alessandro al ricév na telefunàda da òṅ ch'al gh diś 'd avér cupâ gl'ultmi dū dóni par far acsè ad mandàr-al fóra ad parśòṅ.