Un lenzuolo non ha tasche
|
C'l artìcul chè 'l è scrit in
Miranduléś |
 Un linceul n'a pas de poches
| ||
| Un lenzuolo non ha tasche | ||
 La Myriam Mézières e Mocky in na figùra dal film | ||
| Un linsōl al n gh'à mia bisàchi 1974 | ||
|---|---|---|
| Regìa: Jean-Pierre Mocky | ||
| Scritōr: Horace McCoy Jean-Pierre Mocky • Alain Moury | ||
| Atōr: Jean-Pierre Mocky • Jean-Pierre Marielle Jean Carmet • Sylvia Kristel • Michel Constantin Paul Muller • Michel Serrault • Michael Lonsdale Michel Galabru • Daniel Gélin • Myriam Mézières Jess Hahn • Samson Fainsilber • Francis Blanche | ||
| Müsica: Paul de Senneville • Olivier Toussaint | ||
| Léngua: Francés | ||
| Dürä dal film: 125 minüt | ||
| Nasiōṅ: Frància | ||
Un lenzuolo non ha tasche (Un linsōl al n gh'à mia bisàchi) 'l è 'n film dramàtic francéś dal 1974 ad Jean-Pierre Mocky ch'al 'l à anc recitâ faghénd al prutagunìsta. 'L è trat da 'l rumànś No Pockets in a Shroud 'd Horace McCoy.
'L è stâ girâ a Parì, a Rouen e a Alfortville. In Itàglia a gira na versiòṅ ch'a gh cala mèśóra.
Al linsōl dal tìtul al sarév qvél ch'a s drōa par quaciàr i mòrt.
Sunt
Michel Dolannes (Jean-Pierre Mocky) al fà 'l giurnalìsta laurànd in un giurnàl impurtànt d'l editōr Thomas (Michel Galabru), al francéś “République Dernière”. Esénd ch'al n pōl minga scrìvar qvél ch'al vrév, la véra, al decìd ad licensiàr-as par dar vita a na rivìsta ciamàda “Al Cośmopulìta” in du finalmènt al gh'à la manéra 'd cuntàr i fat in na manéra sćèta, sénsa guardàr in fàcia a ninsòṅ, gnanc a i putènt o a i finansiadōr che, śibénd i bèsi dla reclàm, i t faṅ srar i òć quànd a gh fà còmad.
Jutâ par na dóna ebrèja uriginària dl'Ugnoṅ Suviètica, la Mira Barnowski (Myriam Mézières), e p'r al sò amìg Jo (Christian Duvaleix), Dolannes al gh la cava a far vgnir fóra 'l prim nùmar dla rivìsta, stampàda par 'l editōr indipendènt Laurence (Daniel Gélin), dascurénd 'd un scàndal in dal mónd dal fólbar taśû da tut in du 'n purtēr 'l éra stâ pagâ par ciapàr di gòi.
In cal méntar la vècia muróśa dal giurnalìsa, l’Avril (Sylvia Kristel), la spóśa 'l banchēr Raymond (Michael Lonsdale) anc s'l'è incóra inamuràda 'd lò.
Cun 'l ajùt dal cumisàri Bude (Jean Carmet), ch'al gh diś in du l'è andàda a star l'infarméra Jeanne Crestier (Katia Romanoff), Dolannes adès 'l è lè lè par dasquaciàr i segrét dal dutōr Carlille (Jean-Pierre Marielle), un cirùśig sénsa scrùpui e pulìtig catòlig che durànt al sò uperasiòṅ par far aburtìr clandestinamènt cal dóni, tri 'd lōr i èṅ mòrti. La Jeanne la sà incòsa e l'è prònta a testimuniàr ma 'l mèdag al s dà da far prima dmandànd a Raymond ad saràr i rubinét di finansiamènt a Laurence, par custrìnś'r a cinsuràr gl'artìcui 'd Michel, pò mandànd tri óm a dar dal bòti a 'l giurnalìsta par dar-ag na lesiòṅ.
Michel al n céd minga ma al gh'à biśógn ad bèsi par tiràr avànti e 'l s fà mantgnìr cóntar vója par na dóna burghéśa, la Madame Mardène (Martine Sarcey), ch'la gh ślunga 'n quàlc aségn in cambi 'd sès. La rivìsta la vîṅ fóra listés druànd i machinàri 'd stampa 'd 'n amìg dla Mira, Nathaël Grissom (Francis Blanche), e Carlille al decìd ad tōr-as la vita.
'N uperàj sindacalìsta ch'al lavóra par Laurence, Culli (Michel Constantin), al cònta a Dolannes ch'al sìndig sucialìsta Minecci (Paul Muller), espunènt pulìtig dimóndi impurtànt a livèl nasiunàł spuśâ cun l’Anne-Marie (Lisa Livane), al s purtàva a lèt di ragàs, anc qvél 'd un dirigìnt cumunìsta pò catâ mòrt sóta 'n trêṅ. I sàltan fóra i tragatèṅ di pulìtig ad tut i partî ch'i éran 'd acòrd in dal far di afâr muśnènt, Carlille, Minecci, Bernard (Guy Denancy) e Ferdinand Blesh (Pierre Gualdi), giùdas ad dèstra finansiadōr dal “République Dernière” ch'al gh'à 'n un fradèl purcùs da quaciàr parchè al và c'n al putàni, Justin (Michel Serrault), e na fiōla brica ciamàda Liliane (Marisa Muxen) ch'la decìd ad spuśàr al giurnalìsta, cgnusû quànd i fàvan teàt'r insém.
Michel 'l è prònt a cuntàr anc qvésta chè ma pistàr dal mèrdi a pōl ès'r un perìcul dimóndi grand.