Un bacio prima di morire
|
C'l artìcul chè 'l è scrit in
Miranduléś |
 A Kiss Before Dying
| ||
| Un bacio prima di morire | ||
 La Sean Young e Matt Dillon in na figùra dal film | ||
| Un baś prima 'd murìr 1991 | ||
|---|---|---|
| Regìa: James Dearden | ||
| Scritōr: Ira Levin • James Dearden | ||
| Atōr: Matt Dillon • Sean Young • Max von Sydow Diane Ladd • James Russo • Martha Gehman James Bonfanti • Jim Fyfe • Briony Glassco | ||
| Müsica: Howard Shore | ||
| Léngua: Ingléś | ||
| Dürä dal film: 94 minüt | ||
| Nasiōṅ: Stat Unî | ||
Un bacio prima di morire (Un baś prima 'd murìr) 'l è 'n thriller americàṅ e britànic dal 1991 ad James Dearden trat da 'l rumànś umònim dal 1952 'd Ira Levin.
La pelìcula, ch'la psiva cuntàr su 'n budget ad vint-sèt migliòṅ ad dòlar, la 'n à muciâ sù sōl quìnd'ś e quàtar.
Sunt
Jonathan Corliss (Matt Dillon) 'l è 'n puvràs śóvan ch'al n s è mai cumpatî, fiṅ da pìcul, la famìja d'l industriàl Thor Carlsson (Max von Sydow), òṅ ch'l à fat i bèsi faghénd e vindénd dal ram. Da la sò fnèstra al tîṅ 'd òć tut i dè al trên ch'al gh pasa davànti par purtàr dapartùt, anc a 'l èstar, al metàl rós. Thor al gh'à dū fiōli śmèli cumpàgni in d'l aspèt e puti, la Dorothy e l’Ellen (Sean Young).
Dvintâ più grand, Jonathan al taca a far la cōrt a la Dorothy e al gh s mét insém. Prèst chi lē la gh'à da 'vér fiōl ma lò al la cópa prima traplànd un suicìdi. Dòp ès'r-as spustâ a New York e tòlt 'n àtar nóm, chi lò al gh la cava a spuśàr l’Ellen che la n saìva gnint dla stòria che lò al gh'iva cun sò surèla.
La ragàsa, ch'la tîṅ a drē a n'asuciasiòṅ ch'la juta i putèṅ cun di prubléma e al putàni e ch'la n à mai cardû ch'la Dorothy la s sia masàda da par lē dabòṅ, la dmanda ajùt a 'l detective Dan Corelli (James Russo) p'r andàr-'g a fónd.