Ulsra dal Buruli

C'l artìcul chè 'l è scrit in Miranduléś

L’Ulsra dal Buruli (cgnusùda anc cuma ulsra 'd Bairnsdale, ulsra 'd Searle, ulsra 'd Daintree o ulsra magna-carna^[1]) l'è n'infesiòṅ cauśàda da 'n batēr ciamâ Mycobacterium ulcerans. A 'l dè 'd incō a n s sà incóra briśa cuma la faga a culpìr 'l óm ma a s pénsa ch'la pòsa èsar purtàda da di insèt ch'i vìv'n in di pòst trupicài pîṅ 'd àqua (lâg, padói e fiùm), specialmènt l'Àfrica mo anc la Cina e l'Austràglia^[2].

A 'l inìsi al batēr, ch'al culpìs la pèl, al fà vgnir un nódul ch'al n fà minga mâł o anc na bugna. In séguit al M. ulcerans al stramna in gir na tusìna cgnusùda cuma mycolactone ch'l'indebulìs al sistéma imunitàri e ch'la dasfà 'l céluli faghénd vgnir dal bruti ulsri a la carna e faghénd murìr i tesû lè dintóran. La pōr rivàr anc a i òs parténd da i bras, da 'l gambi o da la ghigna.

Par cumbàtar cal mâł chè a gh'è da tōr di antibiòtig ma 'l è fàcil che su la pèl i gh armàgnan pò di castròṅ. Dal vòlti i gh'aṅ da mét'r-ag maṅ i cirùśig par tiràr via i pès ad carna infèt.

Culegamènt estéran

(IT) La schéda dl'ulsra magna-carna su 'l sit dal sèntar salùt glubàł dla regiòṅ Tuscàna

Àtar prugèt

Wikimedia Commons contiene file multimediali su Ulsra dal Buruli

Nòti

↑ Ulsra magna-carna in Austràglia, àtar 49 caś a Melbourne. I mèdag: «A n saém minga cuma la sa sparpàja» Corriere Della Sera, 21 'd Utóbar dal 2018
↑ "L'ulsra magna-carna" l'invàd l'Austràglia Il Giornale, 21 'd Utóbar dal 2018

[1] Ulsra magna-carna in Austràglia, àtar 49 caś a Melbourne. I mèdag: «A n saém minga cuma la sa sparpàja» Corriere Della Sera, 21 'd Utóbar dal 2018

[2] "L'ulsra magna-carna" l'invàd l'Austràglia Il Giornale, 21 'd Utóbar dal 2018

[1]

[2]