Uccelli d'Italia
|
C'l artìcul chè 'l è scrit in
Miranduléś |
 Uccelli d'Italia
| ||
 La Marisa Laurito in na figùra dal film | ||
| Uśèi d'Itàglia 1985 | ||
|---|---|---|
| Regìa: Ciro Ippolito | ||
| Scritōr: Ciro Ippolito Daniele Pace • Alfredo Cerruti | ||
| Atōr: Giancarlo Bigazzi • Totò Savio • Annie Belle Alfredo Cerruti • Daniele Pace • Marisa Laurito Giancarlo Magalli • Tiziana Foschi • Gilla Novak Cinzia de Ponti • Oscar Avogadro • Anny Papa Stefano Abbati • Nuccia Fumo • Sabrina Siani | ||
| Müsica: Totò Savio | ||
| Léngua: Itagliàṅ | ||
| Dürä dal film: 75 minüt | ||
| Nasiōṅ: Itàglia | ||
Uccelli d'Italia (Uśèi d'Itàglia) 'l è na cumèdia vulgaróta dal 1985 ad Ciro Ippolito cun prutagunìsta al grup muśicàl demensiàl di Squallor.
Al film 'l à tòlt al nóm da 'n disc lōr dal 1984 in dua a gh'è la canta A chi lo do stasera ch'la sèra i tìtui ad cóa.
Sunt
Un scritōr (Giancarlo Bigazzi), 'l è in criśi e al n gh la cava piò a scrìvar gnint 'd interesànt. Al pasa 'l sò tèmp fumànd dal sigaréti davànti a la màchina par scrìvar butànt in dla ruscarōla di abòś vgnû mâl di sò rumànś. Sò mujér la gh dà sèmp'r adòs e i sò dū fiōi punk i èṅ sèmpar drē a dmandàr-ag dal ròbi.
Al stòri ch'i gh vèn'n in mènt i èṅ qvéli ch'i tōś'n inspirasiòṅ da dal canti di Squallor cuma Tombeado, Pierpaolo a Rio, Dottor Palmito e Al traditore. In mèś a gl'epiśòdi i vènan mandàdi in ónda dal finti reclàm e dal telenuvéli cuma "I Visitors" (I viśitadōr) o "Anche i ricchioni piangono" (Anc i buśòṅ i piànśan), traśmìs p'r al canàl televiśìṿ "Italia culo" (Itàglia cûl). In cal méntar na raśdóra napulitàna (Marisa Laurito), una ch'la gh l'à cun la Raffaella Carrà, la gh telèfuna in dirèta dgénd-ag «Pronto, Raffaella? 'O quiz c'ha scassato 'o cazzo!» (Prònt, Raffaella? Al quiz a s à rót al cas!).