Tutto ciò che siamo
|
C'l artìcul chè 'l è scrit in
Miranduléś |
 The Sum of Us
| ||
| Tutto ciò che siamo | ||
 Russell Crowe in na figùra dal film | ||
| Tut qvél ch'a sém 1994 | ||
|---|---|---|
| Regìa: Geoff Burton • Kevin Dowling | ||
| Scritōr: David Stevens | ||
| Atōr: Russell Crowe • Jack Thompson • John Polson Deborah Kennedy • Joss Moroney • Mitch Mathews | ||
| Müsica: David Faulkner | ||
| Léngua: Ingléś | ||
| Dürä dal film: 100 minüt | ||
| Nasiōṅ: Austràglia | ||
Tutto ciò che siamo (Tut qvél ch'a sém) l'è na cumèdia dramàtica dal 1994 ad Geoff Burton e 'd Kevin Dowling.
'L è stâ girâ druànd tri migliòṅ e quàt'r ad dòlar austragliàṅ a 'l incìrca.
Sunt
Harry Mitchell (Jack Thompson), dòp ès'r armàś véduv, al viṿ da par lò a Sydney insém a sò fiōl Jeff (Russell Crowe) ch'al śōga a rugby e 'l fà 'l idràulic. Tut dū i péscan 'l amōr ma méntar Harry al próa a catàr na mujér pasànd par n'agensìa matrimuniàla, Jeff al pésca invéci 'n muróś parchè 'l è fnòć. Par sò pàdar cal fat lè a n è mia 'n prubléma, tut àtar, al riva anc a cumpràr-ag dal rivìsti pòran e al fà da tut par jutàr-al.
Jeff al cgnós in un bar gay al giardinēr Greg (John Polson) e al gh ś mét insém mént'r Harry al taca a 'ndàr fóra cun la Joyce Johnson (Deborah Kennedy), na dóna divursiàda. Tut a và bèṅ fra i dū tant ch'a s pénsa anc a 'l matrimòni ma pò lò al decìd ad dascórar sèg ad Jeff e dal fat ch'i gh piàś'n i óm. La dóna la n s cumpatìs briśa che lò al sia da la sò banda cuma s'a fus tut un quèl nurmàl.
A séguit dna litgàda fra i dū a Harry a gh vîṅ 'n ìctus ch'l al lasa uféś, paraliśâ in dal gambi e sénsa èsar più bòṅ ad dascórar. La Joyce la s in và mént'r a Harry a gh armàgn sōl Jeff a tgnir-'g adrē.