Trick (film)

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Trick
Trick (film).png
La Spelling, Pitoc e Campbell in na figùra dal film
Cliènt dal sès
1999
Regìa: Jim Fall
Scritōr: Jason Schafer
Atōr: Christian CampbellJohn Paul Pitoc
Tori SpellingBrad BeyerLacey Kohl
Müsica: David Friedman
Léngua: Ingléś
Dürä dal film: 89 minüt
Nasiōṅ: Stat Unî


«
Na stòria 'd dū ragàs ch' i próan a far-'l in dla sità granda.»
(Tagline dal film)


Trick (Cliènt dal sès) l'è na cumèdia americàna dal 1999 ad Jim Fall.

Sunt

Gabriel Bloom (Christian Campbell) 'l è 'n ragàs tìmid, omosesuàł e anc piutòst imbalsâ. A gh piaśrév scrìvar di musical a Broadway, 'l è dimóndi amîg cun la Katherine Lamberg (Tori Spelling) ch'la vrév far l'atōra e 'l spartìs 'n apartamènt cic a New York insém a Rich (Brad Beyer), un ragàs ch'l al para sèmpar via quànd al gh'à da gusàr cun la sò muróśa.

Na sira Gabriel al buta 'l òć su 'n cubìsta in un lucàl par fnòć e pò al 'l incróśa anc in dla mètro mént'r al tórna a cà avénd la manéra 'd far dū ciàcri sèg. Chi lò al s ciàma Mark Miranda (John Paul Pitoc) ma 'l sò scutmàj 'l è „pac rigàl“. A salta fóra che lò al gh'arév vója 'd far sès ma 'l gh'à minga tant tèmp e Gabriel al capìs ch'l'è l'ucaśiòṅ dla sò vita. Purtròp catàr un pòst lìbar in du gusàr a n è minga fàcil parchè prima a gh'è la Katherine ch'la n capìs minga ch'la gh'à da 'lvàr al téndi par lasàr-i da par lōr, pò a gh'è Rich ch'al tórna a cà cun la sò muróśa. A gh sarév 'l amìg Perry (Steve Hayes) ch'l al prév jutàr ma purtròp al gh'à 'n brut magòṅ adòs e 'l è méj lasàr pèrdar.

I dū ragàs i decìdan 'd andàr alóra in na discutéca gay ma méntar Gabriel 'l è in dal cèso a salta sù na drag queen dimóndi catìva dèntar, la Miss Coco Peru (Clinton Leupp), ch'la 'l mét in guàrdia su Mark, dgénd ch'l è sōl un squasamarléti buśiàrd.

Culegamènt estéran