Trhauma
|
C'l artìcul chè 'l è scrit in
Miranduléś |
 Trhauma
| ||
 Per Holgher e la Silvia Mauri in na figùra dal film | ||
| id. 1980 | ||
|---|---|---|
| Regìa: Gianni Martucci | ||
| Scritōr: Gianni Martucci • Alessandro Capone Gaetano Russo | ||
| Atōr: Gaetano Russo • Anna Maria Chiatante Roberto Posse • Per Holgher • Domitilla Cavazza Timothy Wood • Franco Diogene • Silvia Mauri | ||
| Müsica: Ubaldo Continiello | ||
| Léngua: Itagliàṅ | ||
| Dürä dal film: 72 minüt | ||
| Nasiōṅ: Itàglia | ||
Trhauma (id.) 'l è 'n film ad scarésa dal 1980 ad Gianni Martucci.
A 'l èstar 'l è cgnusû c'n al nóm ad Démence in Frància e 'd Trauma in Braśìl.
Sunt
Dòp na cursa p'r i camp dū baghét i s férman davśèṅ a 'n àrbul e òṅ di dū 'l órdna a c'l àtar ch'al gh'à na balòta da 'l òć biànca: «Và'm a tōr cal gnał là o sinò tèg a n gh śōg piò». Al masćèṅ al próa a muntàr-'g insìma ma al n gh la cava briśa e al casca śò par tèra c'n al sò amìg ch'al gh rid adrē.
Soquànt an dòp chi lò, cgnusû cuma “'L Èsar” (Per Holgher), al s divertìs a śugàr a i Lego ma esénd armàś traumatiśâ e anc sòp al tira dal manaràdi a la gint tacànd cun l’Olga (Anna Maria Chiatante), na mudèla ad rivìsti spurcaciòni ch'la s éra misa a far dal foto cavàda śò in dal bòsc insém a Paul (Timothy Wood). Dòp avér-la cupàda, al manìac al fà sès sèg. La dóna l'éra òspit dla vila in campàgna 'd Andrea (Gaetano Russo) e ad sò mujér Lilly (Domitilla Cavazza). Quànd chi lōr dū i n la védan minga turnàr a cà, i la vaṅ a pascàr insém a 'n sò amìg ciciòṅ, Bitto (Franco Diogene), a Carlo (Roberto Posse) e a la sò spóśa Silvia (Silvia Mauri).
La segretària e pràtica ad Bitto, l’Elena (Gina Mancinelli), la taca a cagàr-as sóta e la vōl andàr via subìt da la vila anc parchè “'L Èsar” al s è fat viṿ cun la Silvia, sénsa però cavàr-'g-la a masàr-la, e pò al telèfun al n funsióna piò. Ma 'l manìac 'l à in cal méntar śbuśî tut al gumi dal màchini.