Tròpic dal Capricòran

Da Wikipedia.

C'l artìcul chè 'l è scrit in Miranduléś Emiliàn

Al sulstìsi 'd Invèran
Al Tròpic dal Capricòran


Al Tròpic dal Capricòran 'l è 'n tròpic teréstar ch'al s cata in d'l emisfēr austràł. 'L è 'l paralēl dla Tèra più a Sud in dua 'l Sōl al riva a 'l śénit un dè a 'l an (in dal sulstìsi 'd Dicémbar) cun na paràbula aparénta dimóndi rìpida a 'l uriśònt. Quànd al Sōl 'l è a 'l śénit a 'l Tròpic dal Capricòran a gh'è 'l inìsi dl'Istâ austràla.

Al tròpic al gh'à cal nóm parchè quànd i 'l ìvan studiâ dumìla an fà al Sōl al pasàva par la custelasiòṅ dal Capricòran ma adès a n è piò acsè par via dla precesiòṅ di equinósi.

Al tròpic al pasa par soquànt stat cuma 'l Braśìl, al Muśambîc, l'Austràglia, al Sud Àfrica, al Cîl, l'Argentìna e àt'r incóra.