The Stag - Se sopravvivo mi sposo
|
C'l artìcul chè 'l è scrit in
Miranduléś |
 The Stag
| ||
| The Stag - Se sopravvivo mi sposo | ||
 Peter McDonald in na figùra dal film | ||
| Fèsta par 'l ùltim dè da put - S'a scamp a m spóś 2013 | ||
|---|---|---|
| Regìa: John Butler | ||
| Scritōr: John Butler • Peter McDonald | ||
| Atōr: Andrew Scott • Hugh O'Conor • Michael Legge Peter McDonald • Brian Gleeson • Andrew Bennett Amy Huberman • Marcella Plunkett • Jane McGrath Justine Mitchell • Eamonn Hunt • Amy De Bhrún | ||
| Müsica: Stephen Rennicks | ||
| Léngua: Ingléś | ||
| Dürä dal film: 94 minüt | ||
| Nasiōṅ: Irlànda | ||
The Stag - Se sopravvivo mi sposo (Fèsta par 'l ùltim dè da put - S'a scamp a m spóś) l'è na cumèdia irlandéśa dal 2013 ad John Butler, chè a 'l sò debùt a 'l cìnema. L'è stada prudóta c'n un budget stimâ ad siesènt-mila euro.
Sunt
Al metrosesuàł Fionnán (Hugh O'Conor) 'l è put mo incóra par pôc parchè al stà par spuśàr-as cun al sò muróśa Ruth (Amy Huberman). Chi lē la vrév che lò al festegìs 'l ùltim dè da put insém a i sò amìg, ch'l'è na tradisiòṅ ch'la và rispetàda anc parchè lē par prima l'à urganiśâ quèl c'n al sò amìghi. Esénd che Fionnán al n è minga tant dl'idéa, la dóna la dmanda ajùt a 'l sò amìg e testimôṅ dal nòsi Davin (Andrew Scott), dit “panèṅ”, par dar-as da far a pinsàr a 'n fiṅ 'd stmana fra óm in muntàgna sóta na ténda cuma s'i fùs'n in campéǵ.
Chi lò al cunvìs Fionnán a star-ag, anc se dimóndi malvluntéra, ma 'l prubléma 'l è ch'la sò muróśa la vrév ch'i ciamìs'n anc sò fradèl Richard dit The Machine (Peter McDonald), fan sfegatâ di U2, par cgnós'r-as méj. Purtròp chi lò 'l è 'n tisi minga tant gustóś e dimóndi śbraga-maròṅ e Fionnán al fà da tut par lasàr-'l a cà, sénsa cavàr-'g-la però parchè la Ruth la gh dà 'l indirìs e The Machine, ch'l è in criśi cun sò mujér Rachel (Amy De Bhrún), al s unìs acsè a Davin, a c'l àt'r amìg infurmàtig buletàri Simon (Brian Gleeson), a 'l fradèl ad Fionnán, Kevin (Michael Legge), e a 'l sò muróś più grand ch'al s ciàma Kevin anc lò (Andrew Bennett).