The Rolling Stones

C'l artìcul chè 'l è scrit in Miranduléś

«

Well, my name it is a number, it’s on a piece of plastic film and I’ve been growin’ funny flowers outside on my little window sill and don’t you know I’m a 2,000 man and my kids, they just don’t understand me at all, you know, my wife still respects me even though I really misuse her, I am having an affair with the random computer.»

(EN)(2,000 Man, 1967)

«

Bòṅ, al mè nóm 'l è 'n nùmar, un pès ad pelìcula da film e a tir sù di fiōr strâṅ su 'l mè davansàł cic, n sà't minga ch'a sòṅ 'n óm dal 2.000 e i mè ragàs, lōr pròpria i n m capìsan mia, sà't, mè mujēr la m pòrta incóra rispèt anc s'a gh dà-'g adòs dimóndi, a gh'ò na stòria c'n un computer tòlt a caś.»

(MUD)

I The Rolling Stones (a s lèś [ðə ˈɹəʊlɪŋ stəʊnz] in ingléś, Al prédi ch'i rùślan in emigliàṅ) i èṅ 'n grup rock britànic uriginàri 'd Lóndra, in du i s èṅ mis insém in dal 1962. In di sò tèst a s dascór da spés ad dròga e 'd sès, argumènt difarènt da qvéi druâ da i sò rivài di an Ssanta, i Beatles. Al lógo dla banda l'è na bóca ch'la fà na linguàsa.

In dla sò caréra i aṅ fat vgnir fóra trénta disc in studi e vint-a-tri da 'l viṿ. Śundànd-ag anc dimóndi racòlti i èṅ stâ bòṅ 'd véndar da piò ad duśènt-sinquànta migliòṅ ad disc in tut al mónd, scrivénd di pès famóś anc a 'l dè 'd incō cuma (I can't get no) Satisfaction, Simpathy for the Devil, Jumpin Jack Flash, Brown Sugar, It's Only Rock 'n' Roll, Ruby Tuesday, Angie, Wild Horses , Let's Spend The Night Together, Paint It Black e Start Me Up.

Al cantànt Mick Jagger, al leader dal grup insém a 'l chitarìsta Keith Richards, al s è impgnâ anc in na caréra sulìsta, faghénd vgnir fóra quàt'r àlbum par sò cònt, e laurànd in dal mónd dal cìnema tulénd part a sòquànt film cuma Sadismo e Bent.

Cumpunènt

Mick Jagger - vóś, chitàra, tastéri, mandśét, bas, percusiòṅ
Keith Richards - chitàra, bas, vóś
Ronnie Wood - chitàra, bas
Charlie Watts - baterìa

Discugrafìa

In studi

1964 – The Rolling Stones
1964 – England's Newest Hit Makers
1964 – 12 x 5
1965 – The Rolling Stones No.2
1965 – The Rolling Stones, Now!
1965 – Out of Our Heads
1965 – December's Children (And Everybody's)
1966 – Aftermath
1967 – Between the Buttons
1967 – Flowers
1967 – Their Satanic Majesties Request
1968 – Beggars Banquet
1969 – Let It Bleed
1971 – Sticky Fingers
1972 – Exile on Main St
1973 – Goats Head Soup
1974 – It's Only Rock 'n' Roll
1976 – Black and Blue
1978 – Some Girls
1980 – Emotional Rescue
1981 – Tattoo You
1983 – Undercover
1986 – Dirty Work
1989 – Steel Wheels
1994 – Voodoo Lounge
1997 – Bridges to Babylon
2005 – A Bigger Bang
2016 – Blue & Lonesome
2023 – Hackney Diamonds

Culegamènt estéran