The Punisher

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg The Punisher
The Punisher
Punisher.png
Thomas Jane in na figùra dal film
Al Punitōr
2004
Regia: Jonathan Hensleigh
Scritùr: Gerry Conway • Ross Andru
Jonathan Hensleigh • Michael France
Atùr: Thomas JaneRebecca Romijn-Stamos
John TravoltaLaura HarringWill Patton
Eddie JemisonBen FosterRoy Scheider
Jim MeskimenOmar AvilaWilliam Haze
Müsica: Carlo Siliotto
Lengua: Ingléś
Dürä dal film: 124 minüt
Nasiòṅ: Stat UnîGermàgna


«
Dal vòlti par parśàr i cònt al léǵ i n bàstan minga.»
(Tagline dal film)


The Punisher (Al Punitōr) 'l è 'n film 'd asiòṅ americàṅ e tedésc dal 2004 ad Jonathan Hensleigh trat da 'l persunàǵ di fumét dla Marvel Comics creâ in dal 1976 par Gerry Conway e par Ross Andru.

Custâ trénta-tri migliòṅ ad dòlar, al film al 'n à pò purtâ a cà da piò ad sinquànta-quàtar.

Sunt

'L agìnt d'l FBI e d'l anti-terurìśum Frank Castle (Thomas Jane) 'l è spuśâ cun la Maria (Samantha Mathis) e al gh'à 'n baghét pìcul, Will (Marcus Johns). In dla sò ultma misiòṅ, prima 'd dar-'g un taj, al gh'à da farmàr un cumèrs 'd armi 'd cuntrabànd. A sucéd però ch'a gh lasa 'l péni 'l fiōl 'd 'n impurtànt boss ad Tampa ch'al pulìs i bèsi muśnènt a 'l èstar e ch'al fà di afâr cun la prustitusiòṅ e cun la dròga, Howard Saint (John Travolta). Pianśénd sò fiōl Bobby (James Carpinello), 'd acòrd cun sò mujér, la Livia (Laura Harring), Howard al decìd ad far-'g-la pagàr cara a 'l respunsàbil dla sò mòrt. Quànd al vèṅ a savēr al sò nóm, Saint al manda sò fiōl John (James Carpinello) e i sò óm a far un masèl ad tut i parènt ad Frank a Porto Rico: i mōran tut, anc la Maria e Will méntar Castle al la scampa par miràcul.

Adès la sò vita la pōl sōl ténd'r a castigàr cum a s dév al canàj cuma Saint, a vindicàr i tòrt e a punìr i criminài: cun na maja nég'r adòs c'n in mèś un tésć biànc, Castle al dvènt' acsè al Punitōr. Chi lò al fà subìt parśunēr Mickey Duka (Eddie Jemison), al cumpâr ad Bobby, par far-as cuntàr incòsa di Saint e 'd Quentin Glass (Sergio Di Stefano), un fnòć sàdig ch'al lavóra sèg da vint an faghénd al sò bras dèstar, al raśunēr, al cunsiliér, al masadōr e 'l avucàt.

Frank al gh l'à a mòrt anc cun la pulisìa parchè la n è minga stada bòna ad śbàt'r in parśōṅ ninsòṅ sibèṅ ch'la sò famìja l'è stada sterminàda. Se gl'istitusiòṅ i n gh la càvan mia a far giustìsia, a mét'r a pòst al ròbi a gh pinsarà lò, a la sò manéra.

Culegamènt estéran