The Prison
|
C'l artìcul chè 'l è scrit in
Miranduléś |
 Against the Wall
| ||
| The Prison | ||
 Samuel L. Jackson in na figùra dal film | ||
| La parśòṅ 1994 | ||
|---|---|---|
| Regìa: John Frankenheimer | ||
| Scritōr: Ron Hutchinson | ||
| Atōr: Kyle MacLachlan • Clarence Williams III Samuel L. Jackson • Frederic Forrest • Anne Heche | ||
| Müsica: Gary Chang | ||
| Léngua: Ingléś | ||
| Dürä dal film: 111 minüt | ||
| Nasiōṅ: Stat Unî | ||
The Prison (La parśòṅ) 'l è 'n film dramàtic americàṅ dal 1994 ad John Frankenheimer, girâ par la televiśiòṅ in Tennessee c'n un budget ad sinc migliòṅ e òt ad dòlar, ch'al tōś ispirasiòṅ da i fat dl'arvòlta dla parśòṅ 'd Attica dal 9 ad Setémbar dal 1971.
Par cla pelìcula chè Samuel L. Jackson 'l è stâ candidâ a i Golden Globes dal 1995.
Sunt
Michael Smith (Kyle MacLachlan) 'l è 'n śōv'n ad vint-a-dū an ch'l à péna tacâ a lauràr da pulisiòt penitensiàri in dla parśòṅ 'd Attica, in dal stat ad New York, cuma sò sîṅ Ed (Tom Bower) e cuma 'l iva fat anc sò pàdar Hal (Harry Dean Stanton) ch'adès però al gh'à 'n bar tut suo. Lè al cundisiòṅ p'r i cundanâ i èṅ dimóndi dûri, da spés umiliâ da 'l guàrdi e da 'l tenènt Weisbad (Frederic Forrest) in particulàr, e Michael al fà fadìga a adatàr-'s a cal règhli catìvi lè. Anc sò mujēr Sharon (Anne Heche), ch'la spèta 'n putèṅ, la gh'à paùra ch'al pòsa cambiàr in pèś armagnénd lè.
William Bishop dit Jamaal X (Samuel L. Jackson), militànt musulmàṅ e cumbatènt p'r i dirìt di négar, 'l è péna stâ mis dèntar, giùst in tèmp par tōr part a n'arvòlta guidàda p'r al psicupàtig Chaka (Clarence Williams III). Al pulisiòt Willis (Jeffrey Buckner Ford) al pèrd la vita méntar dimóndi àt'r i èṅ piciâ e tòlt in ustàǵ. Gl'arvultóś i vōlan negusiàr e i dmànd'n ad dascórar c'n al guvernadōr Nelson Rockefeller.