The Pool - Inizia l'incubo
|
C'l artìcul chè 'l è scrit in
Miranduléś |
 Swimming Pool
| ||
| The Pool - Inizia l'incubo | ||
 La Cordelia Bugeja in na figùra dal film | ||
| La pisìna - 'L arbgàt al gh'à inìsi 2001 | ||
|---|---|---|
| Regìa: Boris von Sychowski | ||
| Scritōr: Boris von Sychowski Ryan Carrassi • Lorenz Stassen | ||
| Atōr: Kristen Miller • Jonah Lotan • Elena Uhlig Isla Fisher • Jason Liggett • Cordelia Bugeja James McAvoy • Paul T. Grasshoff • Jan Vlasák John Hopkins • Linda Rybová • Anna Geislerová | ||
| Müsica: Johannes Kobilke | ||
| Léngua: Ingléś | ||
| Dürä dal film: 89 minüt | ||
| Nasiōṅ: Germàgna | ||
The Pool - Inizia l'incubo (La pisìna - 'L arbgàt al gh'à inìsi) 'l è 'n film ad scarésa tedésc dal 2001 ad Boris von Sychowski.
'L è stâ girâ a Praga.
Sunt
Par festegiàr al diplòma ciapâ a scōla, un grup ad trédas studènt dal „Lìceo Internasiunàł ad Praga“ al decìd 'd urganiśàr na fèsta 'd nòt in dla pisìna dal cumùṅ par dar-ag dèntar. Cl'idéa lè l'è vgnuda a 'l cap cariśmàtic di studènt, Greg (Paul Grasshoff), che insém a 'l sò amìg Martin (Jason Liggett) al gh la cava a pasàr i sistéma 'd sicurésa.
Na vòlta mis i pē dènt'r al grup al s buta subìt in dl'àqua e 'l taca a bévar dla bira a ròta 'd còl. A n sèrt punt però a salta fóra 'n sasèṅ cun na sabla in maṅ e cun na mascra 'd tésć in sal grugn ch'al taca a cupàr-i òṅ a òṅ cuma 'l iva bèla fat in dal bòsc cun la Kim (Isla Fisher) ch'la n s cata minga a la fèsta parchè l'éra stada buciàda.
Martin e la Mel (Cordelia Bugeja) i pénsan bèṅ 'd andàr a gusàr in palèstra ma quànd al ragàs al và a pascàr di guldòṅ lasànd da par lē la ragàsa, chi lē la vîṅ masàda. Al sò cadàv'r al s śònta a qvéi dla Svenja (Linda Rybová) e 'd Carter (Bryan Carney). I śōv'n i tàc'n a pinsàr ch'al sasèṅ al sia òṅ 'd lōr. Méntar Greg e Diego (Maximilian Grill) i vàn'n a pascàr ajùt, Chris (Jonah Lotan), Martin, Mike (James McAvoy), la Carmen (Elena Uhlig) e la Sarah (Kristen Miller) i decìd'n ad tintàr ad śluntanàr-as da 'd là pasànd p'r i cundót da l'ària.