Teurìa dal cumplòt dal sii chìmighi
|
C'l artìcul chè 'l è scrit in
Miranduléś |
La Teurìa dal cumplòt dal sii chìmighi (in ingléś chemtrails conspiracy theory) l'è na cardénsa ch'la diś ch'al sii 'd cundénsa ch'i s véd'n in di cēi lasàdi da gl'aparéć in vōl i n èṅ minga 'd vapōr 'd àqua ma i èṅ fati 'd cumpòst chìmig o biulògic sprusâ in dl'ària da di machinàri fat apòsta par di mutìṿ segrét e minga ciàr, prubabilmènt par cambiàr al clima a dita lōr o anc par stramnàr di mâi, par cundisiunàr la gint cun di agìnt psic-atìṿ, par di esperimènt militàr o par tgnir sóta cuntròl al ślargamènt demugràfic.
Par soquànt di sustenidōr dal cumplòt al sii i farévan part 'd un diségn strulgâ da soquànt ént cuma 'l Órdan suvràṅ militàr ad Malta, al Vaticàṅ, la CIA, la NASA, Google, al cumpagnìi aérei e àt'r incóra. Anc s'i siensiâ i aṅ dit che cla teurìa chè la n gh'à minga di fundamènt, i sustenidōr dal cumplòt i dìśan listés ch'l è tut un sabutàǵ e ch'l è sōl na manéra p'r infnuciàr la gint.