Terror! Il castello delle donne maledette
|
C'l artìcul chè 'l è scrit in
Miranduléś |
 Terror!Il castello delle donne maledette | ||
 Brazzi e Purdom in na figùra dal film | ||
| Terōr! Al castèl dal dóni maladìdi 1974 | ||
|---|---|---|
| Regìa: Dick Randall | ||
| Scritōr: Mark Smith • William Rose Roberto Spano • Mario Francini | ||
| Atōr: Rossano Brazzi • Edmund Purdom Loren Ewing • Gordon Mitchell • Luciano Pigozzi Salvatore Baccaro • Simonetta Vitelli • Eric Mann Michael Dunn • Christiane Rücker • Robert Marx | ||
| Müsica: Marcello Gigante | ||
| Léngua: Itagliàṅ | ||
| Dürä dal film: 89 minüt | ||
| Nasiōṅ: Itàglia | ||
Terror! Il castello delle donne maledette (Terōr! Al castèl dal dóni maladìdi) 'l è 'n film ad scarésa dal 1974 ad Dick Randall, che chè al s filma Robert H. Oliver, ispirâ a 'l rumànś Frankenstein dla Mary Shelley.
In alóra 'l film 'l à muciâ sù sinquànt'òṅ migliòṅ 'd franc.
Sunt
In un paiśèṅ dla Germàgna al cònt Frankenstein (Rossano Brazzi) 'l è drē a far di esperimènt sientìfig segrét par psēr far turnàr in vita i mòrt. Par purtàr avànti 'l sò lavōr al dmanda a i sò culaburadōr, Igor (Gordon Mitchell), al nâṅ Genz (Michael Dunn), al majurdòm Hans (Luciano Pigozzi) e Kreegin (Xiro Papas), ad purtàr-'g in dal sò castèl di cadàvar saplî da pôc. Òṅ 'd qvist chè 'l è 'l còrp 'd 'n óm ad Neandertal ch'al vivìva in dal gròti lè darènt, masâ par la gint dal pòst.
Méntar Frankenstein 'l è drē a lauràr su 'l sarvèl dal daśgrasiâ, da lò ciamâ Golìa (Loren Ewing), a riva lè in caròsa sò fiōla, la Maria (Simonetta Vitelli), insém a 'l sò muróś Eric (Eric Mann) e a la Krista (Christiane Rücker), na risercadōra śōvna ch'la gh'à da far da asistènta a sò pàdar.
'L ispetōr dla sità (Edmund Purdom) e 'l sò jutànt Koerner (Robert Marx) i tàc'n a indagàr su 'l sparisiòṅ di cadàv'r e i suspét'n ad Genz parchè in dal campsànt i aṅ catâ na pistadìna pìcula darènt a la fòsa vèrta. Par 'n avēr briśa di guàj Frankenstein al decìd acsè ad licensiàr al nâṅ che, casâ via p'r Hans e purtâ in dal bòsc, al s fà amìg cun 'n àt'r óm ad Neandertal, Ook (Salvatore Baccaro). Insém i dū i viuléntan e i màsan na dóna dal paéś, la Jenny (Annamaria Tornello).