Teâter Cavalerésa (Rèz)

Da Wikipedia.
Jump to navigation Jump to search

Provincia di Reggio Emilia-Stemma.png Artécol in dialèt arzân Reggio Emilia-Stemma.png

Fôto ed l’ estêren

Al Teâter Cavalerésa (Teatro Cavallerizza in italiân), intitolê a Cesare Zavattini , l’é al têrs teâter póblich ed Rèz dôp al Teâter Municipêl e al Teâter Ariôst al vîn só in Piâsa 'd la Vitôria in dó gh'é ânca chiêter dû teâter, l'é ed fiânch al Teâter Ariôst.
Al pōl èser druvê a fêr tōt i spetâcol ed teâter e mûṣica dal dé d’incô. Al fabrichêt al dêv al só nòm a còl ch’l’é stê druvê a fêr un pô ed tèimp fà, l’é stê més a teâter sōl da pôch, e l’ēra la cavalerésa ed la vècia casêrma Carlo Zucchi quând a’ gh’ēra dèinter un Regimèint ed l’Artilieréia a cavâl.

Al pōl cuntgnîr al mâsim 500 persòuni.

Ind al só aspèt normêl la sêla, ch' la pōl èser dispôsta in 12 diferèinti solusiòu, la gh’à un' ónica gradinêda mó la pōl avèirghen ânca ‘na secònda ch' l'é a scumpêrsa e di êter pôst a sēder da méter ind al pêra. La natûra ed prèir èser druvêda a fêr tót e al dimòndi posibilitê ed la sistemasiòun dal spâsi a n’în fân al pôst naturêl ed progèt specêl, spetâcol ed ricêrca d’ògni gèner, e l’é in grêd ed favurîr al pió divêrsi esigînsi de sperimentasiòun, artéstichi e ed rapôrt póblich-sēna Ind al 2004, l’é sêt rinfursê ind al materiêl tètnich, e gh’é stê zuntê un gradés cunténov in tóta la sêla.

Fôto ed l’ intêren

Soquânt eşèimpi d’ûş dal tânti funsiòun e dal divêrsi manēri ch’ a’s pōl druvêr al spâsi ed la sêla fâti in soquânt spetâcol:

  • in ‘na biânca spiâgia ed Cuba
  • siatemasiòun ed la sēna in méz a dō gradinêdi óna ed frûnt a cl’êtra
  • sistemasiòun ed ‘na pésta da cōrsa
  • tót al spâsi desponébil trasfurmê in ‘na piōla in dóv' al póblic e j atōr a se ṣmercêven sèinsa barēri.

Colegamèint d'ed fōra[modifica | mudéfica la surzéia]

Sît di Teâter