Taboo

Da Wikipedia.

C'l artìcul chè 'l è scrit in Miranduléś Emiliàn

Taboo
Taboo

Kaye Thomas, Stahl e la Jones in na figùra dal film
Tabù
2002
Regìa: Max Makowski
Scritōr: Chris Fisher • Eric Drilling
Atōr: Nick StahlJanuary JonesDerek Hamilton
Eddie Kaye ThomasLori HeuringAmber Benson
Müsica: Ryan Beveridge
Léngua: Ingléś
Dürä dal film: 80 minüt
Nasiōṅ: Stat Unî


«
Farév-at mai...?»
(Tagline dal film)


Taboo (Tabù) 'l è 'n film ad scarésa dal 2002 ad Max Makowski, preśentâ a 'l Sundance Film Festival.

Sunt

In un castèl iśulâ, tri fémni, l’Elizabeth (January Jones), la Katie (Lori Heuring) e la Piper (Amber Benson) e tri masć, Christian Turner (Nick Stahl), Adam (Eddie Kaye Thomas) e Benjamin (Derek Hamilton), tut śōvan, i s càtan na sira par śugàr a 'n śōg pinsâ da l’Elizabeth in dua a gh'è da rispóndar a dal dmandi tabù ch'i tràtan 'l argumènt dal sès e di visi.

Gl'amìg i gh'aṅ di scrìvar di "sè" o di "nò" a siē dmandi pascàdi sù a caś: “Farév-at dal sès par di bèsi?”, “À't mai durmî cun qualchidòṅ dal tò sès?”, “À't mai durmî cun 'l amìg mijór dal tò muróś?”, “Vrév-at avér-ag 'n incónt'r a tri?”, “Andrév-at a lèt cun un tò parènt?”, “Farév-at dal sès cun un baghét?”.

Al rispòsti i armànan segréti, almànc a pâr acsè. 'L an dòp i siē i s càt'n incóra in dal castèl che adès 'l è ad Christian (abû da i sò parènt mòrt) ch'l à tòlt anc l’Elizabeth cuma sò muróśa.

I gh'àṅ da festegiàr al Cavdàn faghénd al śōg d'l an prima. I vènan dâ anc di rōi cuma stupradōr, putàna, fnòć e guardabàs. Durànt la nòt però chi lōr i tac'n a murìr òṅ dòp c'l àtar. Al prim ch'a vèṅ catâ 'l è 'l ebrèi Adam in cantìna. Adòs al gh'à un bijét cun scrit insìma "stupradōr".

Culegamènt estéran