Tôṅ

Da Wikipedia.

C'l artìcul chè 'l è scrit in Miranduléś Emiliàn

Al Tôṅ Thunnus thynnus


Al Tôṅ (Thunnus South, tonno in italiàn) 'l è 'n pés dla famìja di Scombridae ch'la gh'à dèntar òt spèci difarénti.

Descrisiòṅ

I tôṅ i èṅ di pés ch'i èṅ bòṅ ad nudàr dimóndi in présia, un quèl ch'a gh fà còmad quànd i càsan di àtar pés, esénd di predadōr di mar. Al sò còrp l'è ślungâ e stric in fónd. La pina dursàla, cuma quéla dal cûl, l'è élta e fòrta e la punta a 'l indrē. Dòp qvisti dū a gh 'n è anc dagl'atri più pìculi par rivàr in fónd, 7/10 par part, ad sóvar e ad sóta.

Al sò culōr 'l è griś argènt cun dal sfumadùri blù o négri. A s trata 'd un pés dimóndi grôs parchè al pōl rivàr in fiṅ a 4,5 mètar (Thunnus atlanticus) méntar quéi più pìcui i èṅ i tôṅ Auxis rochei eudorax ch'i s férman a 36 cm.

Soquànti spéci i gh'aṅ al sangṿ cald, un quèl ch'a sucéd raramènt in di pés.

Spèci

Al Tôṅ Thunnus orientalis
  • Thunnus alalunga
  • Thunnus albacares (cgnusû cuma tôṅ da la pina śala o yellowfin)
  • Thunnus atlanticus
  • Thunnus maccoyii
  • Thunnus obesus
  • Thunnus orientalis
  • Thunnus thynnus (cgnusû cuma tôṅ rós o bluefin)
  • Thunnus tonggol

Àtar tôṅ

  • Katsuwonus pelamis
  • Allothunnus fallai
  • Auxis rochei rochei
  • Auxis thazard thazard
  • Euthynnus affinis
  • Euthynnus alletteratus
  • Gasterochisma melampus
  • Gymnosarda unicolor