Tè e simpatia

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Tea and Sympathy
Tè e simpatia
Tè e simpatia.png
La Deborah Kerr e John Kerr in na figùra dal film
Tè e simpatìa
1956
Regia: Vincente Minnelli
Scritùr: Robert Anderson
Atùr: Deborah KerrJohn KerrDean Jones
Leif EricksonEdward AndrewsDarryl Hickman
Müsica: Adolph Deutsch
Lengua: Ingléś
Dürä dal film: 122 minüt
Nasiòṅ: Stat Unî


«
Quànd è ch'la simpatìa dna dóna finìs-la tacànd a dvintàr braghéra?»
(Tagline dal film)


Tè e simpatia (Tè e simpatìa) 'l è na cumèdia dramàtica americàna dal 1956 ad Vincente Minnelli ch'l'è 'l adatamènt 'd al lavōr teatràł umònim ad Robert Anderson fat a Broadway in dal 1953.

La pelìcula l'è stada giràda parténd da 'n budget 'd un migliòṅ e sèt ad dòlar ma a la fiṅ la 'n à purtâ a cà 'l dópi.

Sunt

Stat Unî, an Quarànta. Tom Lee (John Kerr), studènt universitàri ad darsèt an, al gh'à i sò cumpàgn ad scóla ch'i gh daṅ adòs parché a lōr a gh piàś al spòrt, i dascóran dal ragàsi e i scóltan la mùśica pop méntar lò invéci al tîṅ adrē a la mùśica clàsica, al lèś di lìbar, al và a teàtar e a gh piàś pasàr al sò tèmp insém a 'l dóni catànd-as bèṅ a dascórar sèg. Tom al vèṅ acsè mis da na banda e ciamâ “surelìna”. Anc sò pàdar Herb (Edward Andrews) al gh siga adrē parchè 'n óm ch'al sà star a 'l mónd al gh'à da cumpurtàr-as da masć.

Tom al pōl cuntàr sōl su la mujér 'd un prufesōr ad ginàstica, la Laura Reynolds (Deborah Kerr), ch'la dvènta sò amìga anc parchè 'l sò matrimòni 'l è in criśi esénd ch'al sò spóś 'l è gréś, urdinàri e cunfurmìsta. La dóna la s davśìna dimóndi a 'l ragàs e la gh diś che èsar sensìbil e rafinâ a n vōl briśa dir par fòrsa èsar di fnòć ch'l è qvél ch'la gint la pénsa 'd lò. Andànd avànti acsè la Laura la s inamóra 'd lò anc parchè al sumìlia dimóndi a 'l sò prim marè John mòrt in guèra.

Par paràr via 'l vóś petéghli ch'al gh'à adòs, Tom al próa a 'ndàr da na putàna par gusàr-la ma al n è mia bòṅ e alóra al decìd, esénd dimóndi śò, ad mulàr la scóla e anc ad cupàr-as sénsa cavàr-'g-la.

Déś an dòp, dvintâ grand e 'n scritōr ad sucès, Tom al và a catàr i Reynolds ma quànd l'è là al véd sōl al marè parchè lē l'è andàda in muntàgna par punsàr. In na létra la Laura la gh cunfèsa 'l sò amōr.

Culegamènt estéran