Strè San Dunè

St artéccol qué l é scrétt in bulgnaiṡ

I pûrdg dl'Universitè.

Strè San Dunè (via Zamboni in itagliàn) l'é na vècia strè dal zänter ad Bulåggna, ch'as câta int al quartîr San Stêven, ch'la pôrta dâl dåu Tårr fén a la żôna Universitèria es a Pôrta San Dunè. La vî in itagliàn tôr al nómm da Alvîṡ Żanbån, parsunâg' ch'l à ideè al triculåur itagliàn.

La strè l'à la said zentrèl dl'Universitè di Stóddi d Bulåggna, a Palâz Pûż, e dimónndi èter istituziån universitèri, e l'é famåuṡa pr èser al mażåur stra i sît dla muvîda universitèria dla zitè.