Stasiòun EV ed Rèz

Da Wikipedia.
Jump to navigation Jump to search

Provincia di Reggio Emilia-Stemma.png Artécol in dialèt arzân Reggio Emilia-Stemma.png

La stasiòun EV ed Rèz (stazione AV di Reggio Emilia in italiân, cgnusûda ânca cme Stazione Mediopadana) ch' la gnirà tirêda só insém a la Lénia Êlta Velocitê Milân-Bulògna. La srà l'ónica stasiòun per viaşadōr preşèint insém a la lénia tra i dû cèinter pió impurtânt dal dō regiòun.

La situasiòun adès[modifica | mudéfica la surzéia]

Dal 30 setèmber 2008, l' impiânt, mèinter a s'é drē spetêr l'inési di lavōr relatîva a la só trasfurmasiòun in stasiòun, l'é atîv cme pôst ed muvimèint. L' impiânt, che s'é druvêr adès, al gh'à dû binâri ed precedèinsa coleghê a i dû binâri ed cōrsa principêl cun dû scâmbi ch' a pōlen èser fât a 60 chilômeter a l'ōra[1].

Al prugèt ed Calatrava[modifica | mudéfica la surzéia]

L'impiânt dóv' a rivarân i viaşadōr l'é stê prugetê dal fâmōş architèt spagnōl Santiago Calatrava la fà pêrt 'd un impurtânt prugèt ch' al cambiarà tót la zôna a nôt ed la sitê e ch' a la farà dvintêr la principêla e pió impurtânta pôrta 'd ingrès ed Rèz. Al sistēma di pûnt a vēla insém a l' Avtostrêda dal Sōl, ânca lōr prugetê da l'architèt ed Valencia, cun al nōv caşèl ed l'avtostrêda a srân un nōv insèm d' impiânt bē e cômed per la sitê ed Rèz.

La stasiòun, pûnt centrêl de sté prugèt ch' al guêrda avânti ind al tèimp, l'é caraterişêda da un prugèt industriêl ch' al guêrda al futûr e ch' l' arcôrda al muvimèint dal vēli: tót al prugèt l'é difâti cgnusû cun al nòm, mia uficêl, ed Le vele di Calatrava.

Al colegamèint tra la sitê e la stasiòun al srà fât da di lêregh parchèg scambiadōr, 'na strêda fâta apôsta e da i 'stès pûnt. In pió è prevésta la costrusiòun ed 'na fermêda insém a la ferovéia Rèz-Guastâla, ind l'ambiĵnt dal şvilóp dal trât Rèz-Bagnōl in Piân, cun la mîra ed fêr un colegamèint tra la stasiòun ed la lénia EV e còla insém a lénia vècia.

Soquânt infurmasiòiun relatîv a la stasiòun e a i servési coleghê:

  • Larghèsa ed tót la zôna: 8.000 m²
  • Servési de stasiòun: 200 m²
  • Servési ed secònda e comûn: 1.850 m²
  • Zôni comercêli: 6.000 m²
  • Nómer di pôst mâchina: 1.054
  • Nómer di pôst môto: 90

I lavôr[modifica | mudéfica la surzéia]

Al règoli ed la gâra póblica per l'apêlt di lavōr ed costrusiòun ed la stasiòun în finîdi int al novèmber 2008, à utgnû l'apêlt la déta Cimolai S.p.A. ed Pordenòun. I lavōr în cumincê int al setèmber 2010. La dâta ed cunsègna di lavōr l'é fisêda p'r al dicèmber 2010.

La stasiòun la gnira a custêr 79 miliòun 'd Euro, finansiê dal Ministêr dal j Infrastutûri ed la Regiòun Emélia-Rumâgna e da la socetê TAV S.P.A dal gróp Ferovéi dal Stêt.

Nôti[modifica | mudéfica la surzéia]

  1. RFI S.p.A. Circolari compartimentali CC BO 22/2008 e CC MI 56/2008. p. 1 e p. 9

Vōş coleghêdi[modifica | mudéfica la surzéia]

Colegamèint d'ed fōra[modifica | mudéfica la surzéia]

  • [1] Sît ch' la spiêga i sînch prugèt pinsê da l'architèt Santiago Calatrava per la sitê ed Rèz. Int al sît a gh'è 'na grôsa sesiòun mediagallery ch' la documèinta l'elèinch di tèimp di cantēr di trî pûnt bèle fât.
  • [2] Pâgina dal sît da Cmûn ed Rèz , cun dèinter links e documèint.
  • [3] Al stasiòun per l'Êlta Velocitê insém al sît RFI.


Nôta: cla pâgina ché l'é stêda inviêda cun 'na tradusiòun da Stazione di Reggio Emilia AV trâta da it.wikipedia.org.
Guêrda la stôria ed la pâgina uriginêla per cgnòser l'elèinch 'd j autōr.