Spring break

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Di studènt americàṅ i s la gòdan durànt al Spring break


Al Spring break (Taj ad Primavéra) 'l è na vacànsa 'd Primavéra dna stmana dedicàda a i studènt universitàri ch'l'è tradisiòṅ in di paéś anglu-sàsun e in atri parti dal mónd cuma Giapòṅ, Curèa dal Sud, Cina e Frància. L'è stada invintàda in di Stat Unî in di an Trénta.

Durànt chi dè lè i śōv'n i èṅ sòlit andàr in un pòst turìstic par divertìr-as sénsa far un cas. Miami, Daytona Beach, Cancún, Acapûlc e Puerto Vallarta i èṅ di sit dimóndi frequentâ parchè là a fà cald e a s pōl armàgn'r in spiàgia a ciapàr al Sōl.

La fèsta l'è cgnusùda anc cun di àtar nóm regiunài cuma Easter vacation, Easter holiday, April break, Spring vacation, mid-term break, study week, reading week, reading period e Easter week.

Cuncōrs „Miss majéta mója“ a Turònt

A và 'd mòda p'r al ragàsi far un pôc al rój e mét'r-as in móstra cuma in di cuncōrs „Miss majéta mója“ in du i t stràmn'n adòs dl'àqua cun dal bròchi o diretamènt cun dal gumi acsè la maja la s taca a 'l téti ch'a s véd incòśa sóta e i masć i t fìsćian adrē, specialmènt quànd i mén'n al cûl cuma dal nimàli.

Culegamènt estéran