Spinning Boris - Intrigo a Mosca

Da Wikipedia.

C'l artìcul chè 'l è scrit in Miranduléś Emiliàn

Spinning Boris
Spinning Boris - Intrigo a Mosca

Goldblum, LaPaglia e Schreiber in na figùra dal film
Spinning Boris - Tragatèṅ a Mósca
2003
Regìa: Roger Spottiswoode
Scritōr: Yuri Zeltser • Grace Cary Bickley
Atōr: Jeff GoldblumAnthony LaPagliaIlia Volok
Liev SchreiberBoris Lee KrutonogJudah Katz
Svetlana EfremovaGregory HladyOla Sturik
Müsica: Jeff Danna
Léngua: IngléśRus
Dürä dal film: 112 minüt
Nasiōṅ: Stat Unî


«
Al cumplòt ch'l à cambiâ par sèmp'r al cōrs dla stòria.»
(Tagline dal film)


Spinning Boris - Intrigo a Mosca (Spinning Boris - Tragatèṅ a Mósca) l'è na cumèdia dramàtica dal 2003 ad Roger Spottiswoode ch'la cònta di fat sucès dabòṅ.

Sunt

George Gorton (Jeff Goldblum) 'l è 'n spin doctor ch'al lavóra par far eléś'r a presidènt di Stat Unî al republicàṅ Pete Wilson durànt la campàgna dal primàri dal 1996, in atri paròli al fà 'l sò cunsulènt a la cumunicasiòṅ e 'l cura la sò figùra pùblica par far-ag ciapàr più vōt. I lavóran sèg Dick Dresner (Anthony LaPaglia) e Joe Shumate (Liev Schreiber). Ma Wilson 'l è 'n pés pìcul sénsa bèsi e quànd al gh dà sù i tri i armàgn'n a cà.

Un dè a riva na telefunàda da 'n óm americàṅ cun di urìgini rusi, Felix Braynin (Boris Lee Krutonog), ch'al gh śibìs ad lauràr par Boris Nikolaevič El'cin, presidènt in carga dla Federasiòṅ Rusa, mis dimóndi mâł in di sundàǵ esénd in fónd a la lista c'n al 6% dadrē a Gennadij Zjuganov e a Vladimir Žirinovskij. I tri i partìsan par Mósca e in sàuna, cuma da tradisiòṅ rusa quànd a gh'è da dascórar 'd afâr, i cgnósan Andrei Lugov (Gregory Hlady), culaburadōr 'd El'cin, e pò sò fiōla Tatiana Dyachenko (Svetlana Efremova). Par muciàr sù di vōt i cunsìlian a sò pàd'r ad rìdar da piò, ad strìnśar dal maṅ, ad baśàr in frònt di putèṅ e 'd tgnir-la curta in di cumìsi.

Culegamènt estéran