Spiando Marina
|
C'l artìcul chè 'l è scrit in
Miranduléś |
 Spiando Marina | ||
 La Debora Caprioglio e cal girandlòṅ dal boa Tango in na figùra dal film | ||
| Spiànd la Marina 1992 | ||
|---|---|---|
| Regìa: Sergio Martino | ||
| Scritōr: Sergio Martino • Piero Regnoli | ||
| Atōr: Debora Caprioglio • Steve Bond • Pedro Loeb Sharon Marino • Leonardo Treviglio • Roberto Ricci | ||
| Müsica: Luigi Ceccarelli | ||
| Léngua: Itagliàṅ • Spagnōl | ||
| Dürä dal film: 86 minüt | ||
| Nasiōṅ: Itàglia | ||
Spiando Marina (Spiànd la Marina) 'l è 'n thriller eròtic dal 1992 ad Sergio Martino girâ c'n al pseudònim ad George Raminto.
Sunt
[mudéfica la surzéia]Mark Derrick (Steve Bond), èx agìnt curót ad Miami, dòp èsar stâ casâ via da la pulisìa p'r avēr fat al traficànt ad dròga e avēr pardû sò mujēr e sò fiōl in 'n atintâ strulgâ da i boss dal narcutràfic che lò 'l à tradî par risparmiàr-as la parśòṅ, adès al s è mis a far al killer a pagamènt par tiràr avànti.
Vulâ in Argintìna par far fóra 'n óm par bèsi, Mark al vîṅ mandâ in 'n albêrg a Buenos Aires in du 'l cata na pistòla e 'n fax ch'al gh parmét ad ricévar dgl'istrusiòṅ. In dla cambra darènt a la sua al sènt ad cuntìnuv i sîg ad gudiōl dna dóna ch'la s lasa 'ndàr dimóndi quànd a s trata 'd gusàr c'n al sò óm, un tisi sàdig ciamâ Hank (Leonardo Treviglio). Mark al taca a tgnir-la 'd òć ad nascòst, pò al gh'à la manéra 'd cgnósar-la diretamènt quànd chi lē la và a pascàr al sò sarpènt da lò esénd che la bisa la s éra insfilsàda in dla sò cambra pasànd p'r al balcòṅ. Dòp avēr-ag fargâ 'l sò mudàndi, Mark al taca na relasiòṅ cun la dóna ch'la s ciàma Marina Valdez (Debora Caprioglio).
Sōl in séguit al vîṅ a savēr che 'l óm ch'al gh'à da cupàr 'l è pròpria Hank ma in tut al manéri al gh'à la Marina da la sò banda parchè la ragàsa la s è fiacàda 'd ciapàr-li da lò.