Specie mortale

Da Wikipedia.
C'l artìcul chè 'l è scrit in Miranduléś Emiliàn
Video-x-generic.svg Species
Specie mortale
Specie mortale.png
La Natasha Henstridge in na figùra dal film
Spéci murtàli
1995
Regia: Roger Donaldson
Scritùr: Dennis Feldman
Atùr: Ben KingsleyMichael MadsenDana Hee
Alfred MolinaNatasha HenstridgeJordan Lund
Virginia MorrisMarg HelgenbergerDon Fischer
Forest WhitakerEsther ScottMichelle Williams
Müsica: Christopher Young
Lengua: Ingléś
Dürä dal film: 108 minüt
Nasiòṅ: Stat Unî


«
Vint an fà 'l è stâ mandâ un mesàǵ in dal spasi. Qvésta chè l'è la rispòsta...»
(Tagline dal film)


Specie mortale (Spéci murtàli) 'l è 'n film fantàstic e ad scarésa americàṅ dal 1995 ad Roger Donaldson.

Custâ trénta-sinc migliòṅ ad dòlar, al 'n à pò purtâ a cà da piò ad sènt-trédas. Vist al sucès ad cla pelìcula chè, i èṅ stâ girâ anc tri séguit: Species II dal 1998, Species III dal 2004 e Species IV - Il risveglio dal 2007.

Sunt

Dòp avēr abû na sequénsa agliéna 'd DNA da 'l spasi, soquànt siensiâ, cmandâ par Xavier Fitch (Ben Kingsley), i al mìsćian cun qvél umàṅ durànt 'n esperimènt par dar vita a na criatùra ciamàda Sil (Michelle Williams). La putìna la crés in présia ma 'd nòt, méntar la pònsa, la gh'à dal bruti criśi. I luminàri, chi'i pènsan ch'la pòsa dvintàr un perìcul, i decìd'n ad far-la fóra dand-ag dal cianûr mo chi lē la gh la cava listés a śbragàr i vēdar dla sò gàbia e a scapàr via.

Al guèr'n al vrév ch'la turnìs indrē e 'l manda Fitch, la dutōra Laura Baker (Marg Helgenberger), 'l antrupòlug Stephen Arden (Alfred Molina), al sensitìṿ Dan Smithson (Forest Whitaker) e 'l killer Press Lennox (Michael Madsen) a dar-ag la casa. In cal mèntar l'aglièna, lugàda in un trêṅ, la salta fóra bèla granda (Natasha Henstridge) da 'n fulśèl. Adès la dóna la vōl far di fiōl e la s mét a pascàr di óm, masànd tut qvéi ch'i gh s métan cóntar.

Culegamènt estéran