Spanish Judges
C'l artìcul chè 'l è scrit in Miranduléś |
Spanish Judges | ||
La Valeria Golino in na figùra dal film | ||
Giùdas spagnōi 2000 | ||
---|---|---|
Regìa: Oz Scott | ||
Scritōr: William Rehor | ||
Atōr: Vincent D'Onofrio • Matthew Lillard Valeria Golino • Michael Shamus Wiles Mark Boone Junior • Tamara Mello • Ed O'Ross | ||
Müsica: Harold Wheeler | ||
Léngua: Ingléś | ||
Dürä dal film: 98 minüt | ||
Nasiōṅ: Stat Unî |
Spanish Judges (Giùdas spagnōi) 'l è 'n film dramàtic americàṅ dal 2000 'd Oz Scott girâ a Los Angeles.
In Austràglia la pelìcula l'è cgnusùda c'n al tìtul ad Ruthless Behaviour.
Sunt
Jack (Matthew Lillard), artìsta dla trufa, al và a catàr al làdar da quàtar sòld Max (Vincent D'Onofrio) par śibìr-'g un lavursèṅ, qvél ad fargàr a na banda 'd criminài na valìś cun dènt'r un migliòṅ ad dòlar e 'n set ad pistòli antìghi cgnusùsi cuma „Giùdas spagnōi“.
Chi lò al gh astà e 'l s fà jutàr par la sò muróśa espèrta in vlèṅ, la Jamie (Valeria Golino), p'r al sò amìg Piece (Mark Boone Junior) ch'al s è cumpagnâ cun na ragàsa ciucàda in dla suca, la Mars Girl (Tamara Mello).
Al piàṅ al và bèṅ ma Jack al próa a fargàr i mémbar dal grup miténd-i òṅ cóntar c'l àtar.