Skinheads

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Romper Stomper
Skinheads
Skinheads.png
Russell Crowe in na figùra dal film
Crapi pladi
1992
Regia: Geoffrey Wright
Scritùr: Geoffrey Wright
Atùr: Russell CroweDaniel PollockAlex Scott
Jacqueline McKenzieEric MueckDaniel Wyllie
Leigh RussellJames McKennaFrank Magree
Müsica: John Clifford White
Lengua: IngléśVietnaméśTedésc
GiapunéśPurtughéś
Dürä dal film: 84 minüt
Nasiòṅ: Austràglia


«
A n î mai vdû un quèl dal gènar.»
(Tagline dal film)


Skinheads (Crapi pladi) 'l è 'n film dramàtic dal 1992, girâ par Geoffrey Wright c'n un budget 'd un migliòṅ e siē ad dòlar austragliàṅ.

'L atōr Daniel Pollock al s è cupâ pôc tèmp prima ch'al film al vgnis fóra in dal sali butànd-as sóta a 'n trêṅ.

Sunt

In dal quartēr ad Footscray a Melbourne soquànt naziskin, c'n a cap Hando (Russell Crowe) e 'l sò amìg Davey (Daniel Pollock), i 'n fànan ad tut i culōr. Un dè a 'l grup a s śònta anc la Gabrielle (Jacqueline McKenzie), na ragàsa pîna 'd bèsi e ad visi esénd ch'a gh piàś dimóndi drugàr-as e far la purcùsa. Chi lē la dvènta la muróśa dal leader e la gh cònta ch'l'à anc patî 'l incèst da part ad sò pàdar.

In dal gir ad pôc dè i rìvan lè di àt'r amìg da Canberra, sèmpar gint ad dèstra. Quànd dòp na fèsta lì lōr i vèn'n a savēr ch'al risturànt più grand dal quartēr 'l è stâ cumprâ par di vietnaméś, i s incàs'n ad brut e i partìsan cun sèg dal masi par dar-'g-i. Dū ad chi aśiàtic là i armàgnan acsè frî e a taca na guèra fra i dū grup. Prima 'd partìr par n'atra lesiòṅ, Hando al fà sès cun la Gabrielle ma quànd chi lē la gh'à 'n atàc epilètic, lò al la mòla in quàt'r e quàt'r òt. La ragàsa la dmand' alóra a 'l grup 'd andàr a rubàr in dla vila ad Martin (Alex Scott), che pò al sarév sò pàdar, giùst par vindicàr-'s ad lò.

Culegamènt estéran