Sitcom - La famiglia è simpatica
|
C'l artìcul chè 'l è scrit in
Miranduléś |
 Sitcom | ||
| Sitcom - La famiglia è simpatica | ||
 Rideau e la Lucia Sanchez in na figùra dal film | ||
| Sitcom - La famìja l'è gustóśa 1998 | ||
|---|---|---|
| Regìa: François Ozon | ||
| Scritōr: François Ozon | ||
| Atōr: Évelyne Dandry • François Marthouret Marina de Van • Adrien de Van • Stéphane Rideau Lucia Sanchez • Jules-Emmanuel Eyoum Deido | ||
| Müsica: Éric Neveux | ||
| Léngua: Francéś | ||
| Dürä dal film: 85 minüt | ||
| Nasiōṅ: Frància | ||
Sitcom - La famiglia è simpatica (Sitcom - La famìja l'è gustóśa) l'è na cumèdia négra francéśa dal 1998 giràda par François Ozon, chè a 'l sò debùt. Al film 'l è stâ preśentâ a 'l Fèstival ad Cannes dal stés an, in dla sesiòṅ dla Stmana Internasiunàla dla Crìtica.
L'Évelyne Dandry l'à vins al prèmi par l'atōra mijóra a 'l Fèstival Internasiunàł dal Cìnema dla Catalógna ad Sitges.
Sunt
[mudéfica la surzéia]La Sophie (Marina de Van) l'è na ragasōla ch'la fà l'artìsta, la gh'à 'n fradèl Nicolas (Adrien de Van) ch'al stùddia dirìt e la viṿ in na famìja burghéśa francéśa. Al sò muróś al s ciàma David (Stéphane Rideau) e insém a gh piàś far dal sadumàś a lèt cun la scùria e dal fasōli ad pèl e ad curàm adòs. Sò màdar Hélene (Évelyne Dandry), la raśdōra ad cà, la tîṅ a drē a la psicoterapìa e a di cōrs ad ginàstica méntar sò pàdar Jean al fà 'l inśgnēr. Un dè chi lò al pòrta a cà un sórag biànc e al ròbi i càmbian cuma da 'l dè a la nòt, cun tut i mémbar dla famìja ch'i tàc'n a tiràr fóra qvél ch'i gh'aṅ dèntar e i dìśan qvél ch'i pénsan dabòṅ.
A taca Nicolas a séna dgénd ch'a gh piàś i óm e al s pòrta a lèt subìt Abdu (Jules-Emmanuel Eyoum Deido), al marè négar dla dóna di fat spagnōla, la Maria (Lucia Sanchez). Pò 'l è al tùran dla Sophie ch'la n in vōl più savēr dal sò muróś e la próa anc a cupàr-as butànd-as śò par na fnèstra ma la n mōr minga anc s'l'è custréta a vìvar in sna scrana a rudèli. A sò vòlta la Maria la taca a n avér-ag più vója ad far gnint a part far la malnéta cun David.
Quànd Jean al magna pò 'l śórag, dvintànd un pundgòṅ anca lò, la famìja l'è custréta a masàr-al.