Silvia oltre il fiume
|
C'l artìcul chè 'l è scrit in
Miranduléś |
 La vie promise
| ||
| Silvia oltre il fiume | ||
 L'Isabelle Huppert in na figùra dal film | ||
| La Silvia da 'd là da 'l fiùm 2002 | ||
|---|---|---|
| Regìa: Olivier Dahan | ||
| Scritōr: Olivier Dahan • Agnès Fustier-Dahan | ||
| Atōr: Isabelle Huppert • Jean-Luc Mimault Pascal Greggory • Louis-Do de Lencquesaing Maud Forget • Fabienne Babe • Irène Ismaïloff André Marcon • Édith Le Merdy • Volker Marek | ||
| Müsica: Andreas Scholl | ||
| Léngua: Francéś | ||
| Dürä dal film: 93 minüt | ||
| Nasiōṅ: Frància | ||
Silvia oltre il fiume (La Silvia da 'd là da 'l fiùm) 'l è 'n film dramàtic dal 2002 'd Olivier Dahan ch'al 'l à anc scrit insém a l'Agnès Fustier-Dahan.
Sunt
La Sylvia (Isabelle Huppert) l'è na dóna ch'l'à bèla pasâ i quarànta e ch'la stà a Nisa insém a sò fiōla, na ragasōla ch'la s ciàma Laurence (Maud Forget), ch'a n s capìs minga cuma i servìsi suciài i gh l'àppian lasàda parchè sò marè Piotr (André Marcon) al s 'n è andâ òt an prima e lē la s è ardùta a far la putàna par scampàr. Quànd dū papòṅ (Louis-Do de Lencquesaing e David Martins) i la vàn'n a catàr in dal sò apartamènt par dmandàr-ag di bèsi ch'i crédan che lē l'àppia fargâ, la Laurence la tira na scurtlàda a òṅ 'd lì lōr par prutéśar sò màdar. La Sylvia la decìd acsè ad scapàr via faghénd 'l autostop p'r andàr a pascàr al sò vèć marè.
Durànt al viàś la dóna la cgnós Joshua (Pascal Greggory), separâ anc lò da sò mujér e c'n un pasâ in parśòṅ. Adès 'l è fóra in libertà vigilàda ma i pulisiòt ch'i gh daṅ la casa parchè lò al n vōl minga turnàr dèntar. La Sylvia la gira dimóndi a pē, l'è da spés stufa mòrta, e par magnàr l'è custréta anc a dar-la via. Quànd la riva da Piotr la vèṅ a savēr che lò al s è spuśâ incóra e che sò mujér la gh'à 'd avér fiōl.
La Sylvia, cun sèg la Laurence, la decìd acsè ad turnàr da Joshua e ad lasàr la Frància par tacàr na vita nóva tut insém.