Si ringrazia la regione Puglia per averci fornito i milanesi
|
C'l artìcul chè 'l è scrit in
Miranduléś |
 Si ringrazia la regione Pugliaper averci fornito i milanesi | ||
 Boldi e Porcaro in na figùra dal film | ||
| A s ringràsia la regiòṅ dla Pùglia p'r avēr-as dâ i milanéś 1982 | ||
|---|---|---|
| Regìa: Mariano Laurenti | ||
| Scritōr: Giorgio Faletti • Gino Capone | ||
| Atōr: Giorgio Porcaro • Massimo Boldi • Teo Teocoli Isabel Russinova • Giorgio Vignali • Giorgio Faletti Mirella Banti • Guido Nicheli • Eleonora Vallone Franco Caracciolo • Jimmy il Fenomeno | ||
| Müsica: Pinuccio Pirazzoli • Depsa | ||
| Léngua: Itagliàṅ • Lumbàrd | ||
| Dürä dal film: 94 minüt | ||
| Nasiōṅ: Itàglia | ||
Si ringrazia la regione Puglia per averci fornito i milanesi (A s ringràsia la regiòṅ dla Pùglia p'r avēr-as dâ i milanéś) 'l è 'n film còmic dal gènar rusc dal 1982 ad Mariano Laurenti.
Al prutagunìsta Giorgio Porcaro al pòrta avànti chè al persunàǵ dal “Tarunsèl”, a sò dita suo e minga ad Diego Abatantuono.
Sunt
Benedetto (Giorgio Porcaro) 'l è 'n pugliéś ch'al viṿ a Milàṅ insém a sò surèla Carmela (Manuela Gatti). Par sintìr-as dabòṅ un lumbàrd, la matìna 'l è sòlit scultàr dal caséti cun dal ripetisiòṅ in dialét meneghìṅ che lò al ripét minga tant bèṅ parchè al dascór sèmpar cun 'n asènt dimóndi fòrt dal sò bandi.
Par vìvar al fà al camarēr e al gira in sna 128 ròśa che lò 'l à impinî ad pèli ad leupàrd, putòć ch'i faṅ i còran a quéi da drē e dal piànti. Sò surèla, ch'la và a 'n cōrs ad balét, l'è tgnuda sèmpar sót òć e par purtàr-'s a cà al sò amànt l'è custréta a far-al vistìr da dóna. Chi lò al n è minga al maruchèṅ (fint) ch'al lava śò in dal bar in dua al lavóra sò fradèl, anc se lò (Teo Teocoli) al vrév dvintàr al sò murōś.
Un dè Benedetto al cgnós 'l imprendidōr Max Bernasconi (Massimo Boldi), òṅ ch'al fà i bèsi cun al sò televiśiòṅ. Par far cólp su 'd lò, al pugliéś al fà finta 'd èsar Mogol e al s mét incô di capèi a la JR.