Si può fare l'amore vestiti?

Da Wikipedia.

C'l artìcul chè 'l è scrit in Miranduléś Emiliàn

Si può fare l'amore vestiti?

La Bianca Guaccero in na figùra dal film
S pōl-al far 'l amōr vistî?
2012
Regìa: Donato Ursitti
Scritōr: Luca Biglione • Giorgia Colli
Atōr: Bianca GuacceroMichele Venitucci
Maurizio BattistaCorrado FortunaFabio Ferri
Marina RoccoPaolo De VitaCosetta Turco
Bonaria DecoratoDaniela Marazzita
Müsica: Massimo Di Paola
Léngua: ItagliàṅPugléś
Dürä dal film: 90 minüt
Nasiōṅ: Itàglia


«
Al 69% dgl'itagliàṅ al s al dmanda.»
(Tagline dal film)


Si può fare l'amore vestiti? (S pōl-al far 'l amōr vistî?) l'è na cumèdia itagliàna dal 2012 ad Donato Ursitti, chè a 'l sò debùt. L'è stada giràda a Pulignàṅ a Mâr in Pùglia.

A gh'à dâ na maṅ al prufesōr Fabrizio Quattrini, presidènt d'l Istitùt Itagliàṅ ad Sesuolugìa Sientìfica (IISS).

Sunt

L’Aurora (Bianca Guaccero), dòp avér studiâ psiculugìa, adès la fà la sesuòluga a Róma in du la dascór a i śōvan dal sès in dal scóli. La dà anc di cunsìli in chat par jutàr la gint. Un dè la ricév na telefunàda da l’Elsa (Anna Ferruzzo), na butgàra dal sò paéś ch'a gh diś che sò màdar Francesca (Daniela Marazzita) l'è in criśi cun sò marè Stefano (Paolo De Vita), òṅ dal sćiòp fàcil, par na questiòṅ ad còran. La śōvna la tórna acsè in Pùglia dòp déś an par catàr i suo.

Chè la cata un sac ad gint braghéra, ch'la gh dascór adrē par via dal sò mistēr „spurcaciòṅ“ a sò dita, e anc un sò vèć amìg da i tèmp dla scóla, Andrea (Corrado Fortuna). Chi lò al s è mis a giustàr la ròba frusta par campàr e 'l è anc fnòć ma al n al pōl cuntàr a ninsòṅ parchè in paéś a sarév un brut fat. L’Isabella (Marina Rocco) la gh'à 'n negòsi 'd vistî e la vrév dvintàr la sò muróśa dònca la gh pòrta sèmpar dla ròba da mét'r a pòst. Quànd ninsòṅ a la véd lē la tîṅ adrē a di cōrs ad dialét milanéś par pèrd'r al sò asènt dla basitàglia e dar-'s un tôṅ da dóna cun dla clas.

L’Aurora la decìd 'd armàgnar lè e la vèra 'l sò studi in un tanabùś dla butéga 'd Andrea. La prima a dmandàr al sò ajùt l'è l’Elsa ch'la n gusa piò cun sò marè Anselmo (Maurizio Battista) da dū an, pò a riva na ragasōla, fiōla 'd un pàd'r armàś véduv, Pietro (Michele Venitucci). Giusà ch'a n sia minga lò 'l óm giùst par l’Aurora ch'la dascór tant ad sès ma l'è incóra puta.

Culegamènt estéran