Short Skin - I dolori del giovane Edo
|
C'l artìcul chè 'l è scrit in
Miranduléś |
 Short Skin -I dolori del giovane Edo | ||
 Matteo Creatini e la Agostini in na figùra dal film | ||
| Pèla strica - I dulōr dal śōvan Edo 2014 | ||
|---|---|---|
| Regìa: Duccio Chiarini | ||
| Scritōr: Duccio Chiarini • Ottavia Madeddu Marco Pettenello • Miroslav Mandic | ||
| Atōr: Matteo Creatini • Francesca Agostini Nicola Nocchi • Miriana Raschillà • Bianca Nappi | ||
| Müsica: Woodpigeon | ||
| Léngua: Itagliàṅ | ||
| Dürä dal film: 86 minüt | ||
| Nasiōṅ: Itàglia | ||
Short Skin - I dolori del giovane Edo (Pèla strica - I dulōr dal śōvan Edo) l'è na cumèdia dal 2014 ad Duccio Chiarini.
La pelìcula l'è stada preśentàda a 'l 71śum Fèstival ad Venèsia in dla sesiòṅ „Biennale College“.
Sunt
Edoardo (Matteo Creatini) 'l è 'n śōv'n ad darsèt an ch'al viṿ in un paéś dla Tuscàna insém a sò pàdar Roberto (Michele Crestacci), a sò màdar Daniela (Bianca Nappi) e a sò surèla più pìcula Olivia (Bianca Ceravolo) dimóndi śbucàda. Al ragàs 'l è màgar cum un ciòld ma 'l sò prubléma al n è gnanc quàl lè ma piutòst qvél 'd avēr-'g un cas ch'al n sa scapèla minga par via dla fimóśi ch'la n gh parmét gnanc ad tiràr-as dal pugnéti. Al dutōr (Francesco Acquaroli) al gh cunsìlia 'd far n'uperasiòṅ 'd circunciśiòṅ ma 'l śōvan al n è mia 'd acòrd parchè al gh'à paùra 'd patìr dal mâł.
Insém a 'l sò amìg Arturo (Nicola Nocchi) Edoardo al vrév catàr dal ragàsi p'r avēr-ag na stòria o sinò gusàr-as dal putàni cuma la Pamela (Crisula Stafida) ma purtròp al gh'à vargóggna e 'l n fà mai gnint armagnénd vìrgin. Edorardo al dvènta amìg dna cantànta ciamàda Elisabetta (Miriana Raschillà), ch'i dìśan ch'la sia na ninéta, e dna sò vśina 'd cà 'd Milàṅ, la Bianca (Francesca Agostini), ma chi lē la gh'à intensiòṅ 'd andàr a studiàr a Parì.