Shelley Winters

Da Wikipedia.
C'l artìcul chè 'l è scrit in Miranduléś Emiliàn
La Shelley Winters tòlta śò in dal 1951


La Shelley Winters (East St. Louis, 18 'd Agóst dal 1920 - Los Angeles, 14 ad Śnar dal 2006) l'è stada n'atōra americàna vinsidōra ad dū Prèmi Òscar.

Al sò nóm 'l è segnalâ in dla Hollywood Walk of Fame a'l nùmar 1750 dla Vine Street. fra 'l sò interpretasiòṅ più impurtànti a gh'è da 'rcurdàr qvéli in di film L'inquilino del terzo piano ad Roman Polański, Un borghese piccolo piccolo ad Mario Monicelli e Lolita ad Stanley Kubrick in dua la fava sò màdar.

La sò ultma part prima 'd murìr l'è stada in un film dal 1999, La bomba ad Giulio Base, insém a Vittorio Gassman ch'l è stâ anc sò marè da 'l 1952 a 'l 1954.

Biugrafìa

Nada in d'l Illinòis da na famìja 'd ebrèj la stùddia recitasiòṅ a 'l „Hollywood Studio Club“ dvidénd la cambra cun la Marilyn Monroe. In di sò prim film la gh'à da spés dal part ad dóni bèli e bióndi cuma in L'urlo della città dal 1948 pò la rècita na part dramàtica insém a Montgomery Clift e a l'Elizabeth Taylor in dla pelìcula Un posto al sole ch'la gh fruta na nomination a i Prèmi Òscar. La statṿa la la vins dabòṅ in dal 1959 p'r Il diario di Anna Frank e pò anc in dal 1965 p'r Incontro al Central Park, sèmpar cuma atōra minga prutagunìsta.

In di an Stanta la s davśìna a i film ad scarésa girànd par Curtis Harrington Chi giace nella culla della zia Ruth? e I raptus segreti di Helen, pò La figlia del diavolo par Jeannot Szwarc. In dal 1976 la fà la purtinàra in L'inquilino del terzo piano ad Roman Polański. In dal 1977 la tōś part a Tentacoli, Un borghese piccolo piccolo, Elliott il drago invisibile e Gran bollito in dua la fà la “Savunadōra 'd Curéś”. In di ùltim an la lavōra cun James Mangold in Dolly's Restaurant e cun la Jane Campion in dal sò Ritratto di signora.

L'è mòrta a 'l inìsi dal 2006 in 'n uśdàł ad Beverly Hills in dua l'éra curàda da 'l 14 'd Utóbar dal 2015 par 'n infàrt.

Filmugrafìa

Prim piàṅ dla Shelley Winters
L'atōra in dal 1971

Culegamènt estéran