Sepolti vivi

Da Wikipedia.

C'l artìcul chè 'l è scrit in Miranduléś Emiliàn

Buried Alive
Sepolti vivi

Donald Pleasence in na figùra dal film
Saplî viṿ
1990
Regìa: Gérard Kikoïne
Scritōr: Edgar Allan Poe • Jake Chesi • Stuart Lee
Atōr: Robert VaughnDonald PleasenceKaren Lorre
John CarradineGinger LynnNia LongStefa Popic
Müsica: Frédéric Talgorn
Léngua: Ingléś
Dürä dal film: 87 minüt
Nasiōṅ: Stat UnîSud Àfrica


«
Al dutōr Julian al gh'à 'n mètud prichiàtric rivulusiunàri, dimóndi rivulusiunàri.»
(Tagline dal film)


Sepolti vivi (Saplî viṿ) 'l è 'n film ad scarésa dal 1990 ad Gérard Kikoïne custâ dódas migliòṅ ad dòlar a 'l incìrca.

Sunt

La Janet (Karen Lorre) l'è na prufesōra 'd siénsi ch'la taca a lauràr par la Ravenscroft, na scōla par ragàsi cun di prubléma narvóś. Mènt'r al studènti i tàc'n a sparìr una dòp cl'atra, l'ultma l'è la Tina (Roslynn Farrell), l'insgnànta la s davśìna dimóndi a 'l diretōr d'l istitùt, Gary Julian (Robert Vaughn), ch'al gh astà vluntéra. La Janet però la s mét in dla suca ch'in dla scóla i èṅ drē a sucédar di fat strâṅ anc parchè la gh'à di arbgàt e la in dascór c'n al dutōr Schaeffer (Donald Pleasence), al psicòlug dal culéǵ, che però al gh diś ch'l'è tuta imaginasiòṅ.

Ma ch'a gh sia quèl ch'a traśa 'l è ciàr parchè i sparìsan una adrē a cl'atra l’Yvonne (Dee Dee Eybers), la Shiro (Janine Denison), la Debbie (Ginger Lynn) e 'l sò muróś Tim (William Butler) ch'l éra andâ in dla scóla ad nòt par far dgl'òrgi.

La Janet la próa a 'ndàr-'g a fónd da par lē e la và a véd'r in di piàṅ ad sóta dal palàs cuś a gh'è e la cata 'n mat murâ viṿ, Jacob (John Carradine), ch'l è 'l pàd'r ad Gary. Chi lò al gh dmanda ajùt ma al tîṅ lugâ un segrét. Ma lè sóta i gh'èṅ anc tut i cadàvar di śōvan sparî, tut magnâ da 'l furmìghi e c'n al camìśi 'd fòrsa adòs.

Culegamènt estéran