Senza uscita
|
C'l artìcul chè 'l è scrit in
Miranduléś |
 Not Safe for Work | ||
| Senza uscita | ||
 Max Minghella in na figùra dal film | ||
| Sénsa usìda 2014 | ||
|---|---|---|
| Regìa: Joe Johnston | ||
| Scritōr: Adam Mason • Simon Boyes | ||
| Atōr: Max Minghella • JJ Feild • Eloise Mumford Christian Clemenson • Tim Griffin • Michael Gladis | ||
| Müsica: Tyler Bates | ||
| Léngua: Ingléś | ||
| Dürä dal film: 74 minüt | ||
| Nasiōṅ: Stat Unî | ||
Senza uscita (Sénsa usìda) 'l è 'n thriller americàṅ dal 2014 ad Joe Johnston.
Sunt
[mudéfica la surzéia]John Ferguson (Michael Gladis), testimòni in un prucès cóntar n'impurtànta cà 'd fàrmag, esénd ch'al n véd minga di asiòṅ ciàri cónt'r ad lē, al decìd ad far-as giustìsia da par lò masànd soquànt sò impiegâ e pò tulénd-as la vita quànd a riva la pulisìa. La sò mòrt 'l è 'n brut cōlp p'r al studi legàł impgnâ in dla càuśa cóntar la sucietà e par 'l avucàt Tom Miller (Max Minghella) ch'al tgniva adrē a 'l dossier e ch'in d'l ufìsi 'l iva catâ la muróśa in dla sò culéga Anna Newton (Eloise Mumford).
Al sò cap Alan Z. Emmerich (Christian Clemenson), vdénd che chi lò al s mōv un po' tròp par sò cònt pinsànd a di ideài e minga a martlàr in du i s pōlan ciapàr di bèsi dabòṅ, al decìd ad licensiàr-al e pò al manda tut gl'impiegâ a cà prima dgénd ch'a gh'è 'n prubléma tècnig su la réda internet.
Tom al fà sù la sò ròba e 'l lasa 'l palàs insém a 'l sò amìg Roger Crawford (Tom Gallop) che prima al gh diś ch'a gh daspiàś dimóndi e che pò al tórna in ufìsi sénsa dir gnint. Méntar 'l è fóra da 'l us Miller al fà a mènt a 'n óm strâṅ (JJ Feild) ch'l è drē a tōr 'n asinsōr p'r andàr sù cun na valìś in maṅ ch'al gh'à lasâ 'n pulisiòt ad culōr (Eme Ikwuakor). Curióś ad savēr-an da piò, al ragàs al gh tîṅ adrē e 'l fà in tèmp a védar chi lò masàr la sò culéga Janine (Molly Hagan) ch'la vliva ciamàr qvéi dla sicurésa. Tom al vrév scapàr via ma 'l n pōl minga parchè al sasèṅ 'l à sarâ tut al pòrti.