Seduzione fatale
|
C'l artìcul chè 'l è scrit in
Miranduléś |
 Broken Vows
| ||
| Seduzione fatale | ||
 Wes Bentley in na figùra dal film | ||
| Sedusiòṅ fatàla 2016 | ||
|---|---|---|
| Regìa: Bram Coppens | ||
| Scritōr: Jim Agnew • Sean Keller | ||
| Atōr: Wes Bentley • Alexandra Breckenridge Jaimie Alexander • Cam Gigandet • Matt Riedy Astrid Coppens • Kyle Jones • Emily Robinson Alex Ladove • René Ashton • Alex Rose Wiesel | ||
| Müsica: David Julyan | ||
| Léngua: Ingléś | ||
| Dürä dal film: 90 minüt | ||
| Nasiōṅ: Stat Unî | ||
Seduzione fatale (Sedusiòṅ fatàla) 'l è 'n thriller americàṅ dal 2016 ad Bram Coppens vgnû fóra diretamènt p'r al marcâ d'l home video.
Sunt
La Tara (Jamie Alexander), prima 'd spuśàr-as c'n al sò muróś Michael (Cam Gigandet), la decìd ad festegiàr gl'ùltim dè da puta andànd a na fèsta in un lucàl ad New Orleans insém a la sò amìga Debra (Alexandra Breckenridge). Lè la taca butòṅ c'n al barìsta Patrick (Wes Bentley) ch'al gh'à butâ gl'òć adòs e ch'al la vrév purtàr a cà sua par na ciuladìna. La ragàsa la gh astà ma pò, la matìna dòp, la vōl subìt turnàr a cà parchè l'à capî 'd avēr fat un śbali. 'L óm al gh diś però ch'al s è inamurâ 'd lē tant ch'al s è anc scrit al sò nóm su 'l bras. La Tara la gh la cava a lasàr 'l apartamènt anc s'in dla présia la s daśméndga 'l sò telefunèṅ.
Patrick al n mòla minga 'l òs e 'l fà da tut par tgnir-'g adrē e cunvìnsar-la a métar-'s insém. La dóna, spavintàda che Michael al pòsa naśàr quèl a pôc dè da 'l matrimòni, la próa a paràr-al via sénsa sucès, pò la fà dgl'indàśin e la s rénd cònt 'd avēr-'g adòs un psicupàtig che da pìcul al vliva 'l afèt dla sò baby sitter (Sydne Mikelle) e pò da grand 'l iva dâ fōg a la màchina dn'infarméra (Danielle Argyros) ch'la n s vliva briśa métar sèg, cupànd-la.
Al barìsta al próa a insfilsàr-'s a 'l matrimòni dòp avēr fat dū ciàcri cun la surèla pìcula dla Tara, na ragasōla ch'la và mata p'r i cavài ciamàda Emily (Alex Ladove).